Իրանի խորհրդարանում հարցուպատասխան կկազմակերպվի նախագահի հետ՝ տնտեսական դժվարությունների շուրջ

Իրանի օրենսդիրները մեկ ամիս ժամանակ են տվել երկրի նախագահ Հասան Ռոհանիին խորհրդարանական հարցուպատասխանին պատրաստվելու համար, որն առնչվելու է ժողովրդի դժգոհությանը երկրում խորացող տնտեսական դժվարությունների նկատմամբ:

Օրենսդիրները փորձելու են հասկանալ տնտեսական ցածր աճի, ազգային արժույթի կտրուկ անկման, գործազրկության աճի պատճառները:

Ռոհանին բախվեց լուրջ խնդիրների, երբ ամիսներ առաջ Միացյալ Նահանգների նախագահ Դոնալդ Թրամփը հայտարարեց գերտերությունների և Իրանի միջև 2015 թվականին կնքված միջուկային պայմանագրից ԱՄՆ-ի դուրս գալու մասին՝ սպառնալով նորից պատժամիջոցներ կիրառել պաշտոնական Թեհրանի նկատմամբ:

Սոցիալական ցանցերում այս օրերին լուսանկարներ են հրապարակվում Իրանի տարբեր քաղաքներում ընթացքող բողոքի ցույցերից: Իսֆահանում (Սպահան) ցուցարարների նկատմամբ արցունքաբեր գազ և ռետինե փամփուշտներ են կիրառվել:

Այս թեմայով Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում Վելայաթի. Բեյրութի հարցում սխալ հաշվարկը սպառեց համբերությունը․ Հրամանը տրված է, «X» ժամը մոտենում է Փեզեշքիանը հրաժարական չի տվել. «Tasnim»