Կայացել է Ալիև-Էրդողան հանդիպումը

Այսօր պաշտոնական հանդիպման արարողությունից հետո կայացել է Ադրբեջանի նախագահ Իլհամ Ալիևի և Թուրքիայի նախագահ Ռեջեփ Թայիփ Էրդողանի դեմ առ դեմ հանդիպումը, հայտնում է «Թրենդ» գործակալությունը:

Հանդիպմանն ընդգծվել է Ադրբեջանի և Թուրքիայի միջև բոլոր ոլորտներում «եղբայրական և բարեկամական հարաբերությունների բարեհաջող զարգացումը», ինչպես նաև վստահություն է հայտնվել կապերի հետագա ամրապնդման վերաբերյալ:

Զրույցի ընթացքում երկկողմ հարաբերությունների և փոխադարձ հետաքրքրություն ներկայացնող հարցերի վերաբերյալ կարծիքների փոխանակում է տեղի ունեցել:

Ավելի վաղ հաղորդվել էր, որ Թուրքիայի վերընտրված նախագահ Ռեջեփ Թայիփ Էրդողանը պաշտոնական այցով մեկնել է Ադրբեջան: Ադրբեջան այցի ավարտից հետո Թուրքիայի նախագահը կուղղվի ինքնահռչակ Հյուսիսային Կիպրոսի Թուրքական Հանրապետություն:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին