Ուսանողներն ավարտական քայլերթի ժամանակ Էրդողանին ծաղրող պաստառ են պարզել, կա 3 ձերբակալված

Թուրքիայի Մերձավոր Արևելքի տեխնիկական համալսարանի ուսանողներն ավարտական քայլերթի ժամանակ նախագահ Ռեջեփ Թայիփ Էրդողանին ծաղրող պաստառ են պարզել, ինչի պատճառով ձերբակալվել է 3 ուսանող, գրում է թուրքական diken.com.tr կայքը։

Ուսանողները, մասնավորապես, դուրս են բերել պաստառ, որի վրա պատկերված են տարբեր կենդանիներ՝ Էրդողանի դեմքով։ Պաստառի վրա գրված է եղել «Թայիփների աշխարհը»։

Համալսարանում ընդունված տարեվերջյան քայլերթը, որի ժամանակ ընդունված է տարբեր կոչեր պարունակող գրություններով պաստառներ պարզել, այս անգամ ավարտվել է աղմկահարույց ձերբակալություններով։

Հայտնի է, որ Անկարայի գլխավոր դատախազությունն արդեն գործ է հարուցել ուսանողների դեմ՝ երկրի նախագահին վիրավորելու մեղադրանքով։

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին