Իսրայելը Սաուդյան Արաբիային առաջարկում է ՆԱՏՕ-ի օրինակով դաշինք ստեղծել
«Թեհրանի վարչակազմը հրեական պետության համար ամենալուրջ սպառնալիքն է ներկայացնում»։ Այս մասին Die Welt–ին տված հարցազրույցում հայտնել է Իսրայելի պաշտպանության նախարար Ավիգդոր Լիբերմանը։
Իսրայելը Սաուդյան Արաբիային առաջարկում է Մերձավոր արեւելքում ՆԱՏՕ-ի օրինակով դաշինք ստեղծել ։ «Եկել է ժամանակը միավորել բոլոր չափավոր ուժերը ահաբեկչությանը դիմակայելու համար»,- ասել է նախարարը։
Լիբերմանի խոսքով, չափավոր սունի պետությունները հասկացել են, որ «ամենալուրջ վտանգը ոչ թե Իսրայելն է ներկայացնում կամ հրեաները, այլ Իրանը»։ Նախարարը չափավոր պետությունների շարքին է դասել Նեղուցի երկրները, առաջին հերթին Սաուդյան Արաբիան։
«Երբ կա իսկական կոալիցիա, ստիպված հետեւում ես իսկական պարտավորություններին,- ասել է պաշտպանության նախարարը,-Նայեք ՆԱՏՕ-ին։ Դաշինքը հիմնվում է այն սկզբունքի վրա, որ յուրաքանչյուր երկիր պատրաստ է պաշտպանել մնացածին ու նրան էլ է երաշխավորված նույն պաշտպանությունը»։
ԼԻբերմանը շեշտում է, որ Իսրայելը «ուժեղ երկիր է, ու մենք ի վիճակի ենք պաշտպանել ինքներս մեզ։ Ես կարծում եմ, որ չափավոր արաբական պետություններն ավելի շատ ունեն Իսրայելի կարիքը, քան Իսրայելը՝ նրանց»։ Նախարարի խոսքով Իսրայելը կարող էր օգնել արաբական երկրներին տեխնոլոգիաներով։
Իսրայելի նախարարը նաեւ քննադատել է Եվրոպայի մերձավորարեւելյան քաղաքականությունը, այն անվանելով հակակառուցողական։ Նրա խոսքով եվրոպացիները չափից ակնհայտորեն պաղեստինցիներին են պաշտպանում։ Լավագույն ավանդը, որը Եվրոպան կարող էր ունենալ հակամարտության կարգավորման գործում «Մերձավոր արեւելքի մասին մոռանալն է», ասել է նա։ Առավել եւս որ տարածաշրջանին «արհեստական ժողովրդավարություն» պատվաստելու բոլոր փորձերը ձախողվել են։
ԼԻբերմանը քննադատել է Իրանի հետ միջուկային գործարքին մասնակցած վեց պետություններից հինգին, այդ թվում Գերմանիային։ ԱՄՆ-ին, որը նույնպես մասնակցել է գործարքին, Լիբերմանը խնայել է։ ԱՄՆ նոր նախագահ Դոնալդ Թրամփը բազմիցս քննադատաբար է արտահայտվել Թեհրանի հետ համաձայնագրի մասին։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Կասեցվել է Վանաձորի գազալցակայաններից մեկի հեղուկ գազի վաճառքը
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...