Թրամփը կրկին ԶԼՄ-ներին «ժողովրդի թշնամիներ» է անվանել

ԱՄՆ նախագահ Դոնալդ Թրամփը հերթական անգամ քննադատել է լրատվամիջոցներին: ԱՄՆ նախագահը Breibart News-ին տված հարցազրույցում կրկին իրեն դիմակայող մամուլն անվանել է «ընդդիմադիր կուսակցություն» և «ժողովրդի թշնամիներ»:

«Գոյություն ունեն մեծաթիվ կեղծ ԶԼՄ-ներ: Մեծաթիվ «ֆեյք» ռեպորտաժներ: Խնդիրն այն է, որ մարդիկ, ովքեր չեն մասնակցում ռեպորտաժին, այդ մասին չգիտեն»,- հայտարարել է Թրամփը:

Նախագահը նաև հերթական անգամ քննադատել է առաջատար ամերիկյան The New York Times թերթին:

«Դա մտադրված է: Եթե դուք կարդում եք New York Times, նրանց մտադրություններն այնքան չարամիտ են, այնքան վատն են: Հրապարակումները շատ բաներում սխալ են»,- ընդգծել է Թրամփը:

Նա մեղադրել է թերթին իր դեմ սեռական բնույթի մեղադրանքներ տարածելու համար՝ խեղաթյուրելով կանանց խոսքերը:

news.am

Այս թեմայով Թրամփը հինգշաբթի կանցկացնի փակ հանդիպում հետախուզության հետ Իրանը հիմարություն կաներ, եթե գործարք չկնքեր ԱՄՆ-ի հետ․ Թրամփ Թրամփը հայտարարել է, որ ԱՄՆ-ը նախատեսում է սկսել պայքարել թմրանյութերի մաքսանենգության դեմ ցամաքում Թրամփը հայտարարել է, որ ԱՄՆ-ի հետ գործարքից հետո Իրանը պետք է հրաժարվի միջուկային և հրթիռային ծրագրերից Թրամփը կոչ է անում պահպանել կայունությունը Իսրայելի կողմից օկուպացված Արևմտյան ափում