Կիմ Չեն Ընը ցանկանում է քննարկել Ճապոնիայի հետ հարաբերությունների կարգավորման հարցը

Հյուսիսային Կորեայի առաջնորդ Կիմ Չեն Ընը ցանկանում է քննարկել Ճապոնիայի հետ հարաբերությունների կարգավորման հարցը: Հարավային Կորեայի նախագահ Մուն Ջեինն այս մասին տեղեկացրել է Ճապոնիայի վարչապետ Սինձո Աբեին, փոխանցում է AP-ն՝ վկայակոչելով Հարավային Կորեայի նախագահի մամուլի ծառայությանը:

Մունը հայտնել է, որ Կիմ Չեն Ընին է փոխանցել «անցյալ պատմության» հարցերը կարգավորելուց հետո հարաբերությունների կարգավորման Տոկիոյի ցանկության մասին: Կիմը հայտարարել է, որ պատրաստ է Ճապոնիայի հետ բանակցություններ վարել:

Ճապոնիան հայտարարում է, որ 1970-ական եւ 1980-ական թվականներին Հյուսիսային Կորեան առեւանգել է նվազագույն 17 ճապոնացի քաղաքացու իր գործակալներին ճապոներեն եւ ճապոնական մշակույթ սովորեցնելու համար, որպեսզի լրտեսեն Հարավային Կորեային: Հյուսիսային Կորեան ընդունել է 1970-ականներին 13 ճապոնացիների առեւանգումը: Սա թույլ է տվել նրանցից հինգին 2002 թվականին Ճապոնիա այցելել եւ այնտեղ մնալ: Հյուսիսային Կորեան պնդում է, որ մնացյալ ութը մահացել են, սակայն նրանց ընտանիքները համարում են, որ Փհենյանի հայտարարություններին չի կարելի հավատալ:

news.am

Այս թեմայով Ճապոնիայում ուժգին երկրաշարժից միայն 64 մարդ է զոհվել շնորհիվ որակյալ շենքերի ԱՄՆ նախագահը նոր նամակ է ստացել Կիմ Չեն Ունից Ճապոնիայում հեղեղումների զոհերի թիվն անցել Է 140-ից Առնվազն 3 զոհ, տասնյակ վիրավորներ Ճապոնիան ՌԴ-ին ափսոսանք է հայտնել՝ կապված Կուրիլներում զորավարժությունների հետ