Ֆրանսիայում պատանդառության գործով երկրորդ անձն է կալանավորվել

Ֆրանսիայում ձերբակալվել է երկրի հարավում ահաբեկչություն իրականացրած հանցագործի անչափահաս ընկերը՝ ահաբեկչի հետ հանցավոր դավադրության համար, հայտնում է «ՌԻԱ Նովոստի»-ն։

Նշվում է, որ ավելի վաղ ձերբակալվել էր նրա 18-ամյա ընկերուհին:

Ավելի վաղ հաղորդվել է, որ Ֆրանսիայում մահացել է ոստիկանը, որը Տրեբ քաղաքի սուպերմարկետում նախօրեին տեղի ունեցած զինված միջադեպի ժամանակ առաջարկել էր իրեն փոխանակել պատանդների հետ։ Այսպիսով՝ ահաբեկչության զոհերի թիվը հասել է 4-ի, վիրավորվել է ավելի քան մեկ տասնյակ մարդ:

Մարտի 23-ին ֆրանսիական Կարկասոն քաղաքում 26-ամյա Ռեդուան Լակդիմն առեւանգման նպատակով հարձակվել էր ավտոմեքենայի վրա. ուղեւորը սպանվել է, վարորդը՝ վիրավորվել։

Իր երկրորդ հարձակումը նա իրականացրել է հատուկջոկատայինների վրա՝ կրակ բացելով նրանց վրա։ Երրորդ հարձակումն իրագործվել է հարեւան Տրեբ քաղաքում՝ պատանդներ վերցնելով սուպերմարկետում։ Այդ հարձակման հետեւանքով զոհվել է եւս 2 մարդ, իսկ ահաբեկիչն ավելի ուշ ոչնչացվել է հատուկջոկատայինների գրոհի արդյունքում։

Կատարվածի պատասխանատվությունը ստանձնել է «Իսլամական պետություն» ահաբեկչական խմբավորումը։

news.am

Այս թեմայով Ֆրանսիայում անկարգությունները շարունակվել են դեռահասի հուղարկավորությունից հետո Ֆրանսիայում մեկ գիշերվա ընթացքում ավելի քան 700 մարդ է ձերբակալվել Ֆրանսիայի ՊՆ-ն հայտարարել է Նիգերում 120 ահաբեկչի վերացման մասին Ֆրանսիայում ձերբակալել են «դեղին բաճկոններ» շարժման առաջնորդին Ֆրանսիայում փակվում է երկրի ամենահին ատոմակայանը