Տրեբում պատանդների ազատման գործողության ընթացքում վիրավորված ոստիկանը մահացել է

Ֆրանսիայի ներքին գործերի նախարար Ժերար Կոլոնն այսօր հաղորդել է, որ նախօրեին պատանդների ազատման գործողության ընթացքում հրազենային ծանր վիրավորում ստացած ոստիկանը մահացել է:

«Գնդապետ Առնո Բելտրամը զոհվել է հանուն հայրենիքի», - ասել է նախարարը:

Գնդապետ Բելտրամը մարդկանց պատանդառած ահաբեկչին առաջարկել էր իրեն փոխարինել պատանդների հետ:

Թուլուզից մոտ 100 կիլոմետր հեռավորության վրա գտնվող Տրեբ ավանի խանութում երեկ տեղի ունեցած այդ պատանդառման ընթացքում զոհվել է երեք մարդ, ևս 16-ը վնասվածքներ են ստացել: Ոստիկանները ոչնչացրել են 25-ամյա ծագումով մարոկացի ահաբեկիչ Ռեդուան Լակդիմին, ով Ֆրանսիայի քաղաքացի էր: Նա երեկ խանութում պատանդառած այցելուներին ներկայացել է որպես «Իսլամական պետություն» ահաբեկչական շարժման անդամ:

Ոստիկանները երեկ ձերբակալել են Լակդիմի հետ առնչություն ունեցող մի 19-ամյա կասկածյալի: Բացի այդ, բերման է ենթարկվել նաև Լակդիմի հետ կապ ունեցող մի կին:

Նախքան խանութ ներխուժելը՝ Լակդիմը երեկ Կարկասոն քաղաքում ևս մեկ մարդու էր սպանել:

azatutyun.am

Այս թեմայով Ֆրանսիայում անկարգությունները շարունակվել են դեռահասի հուղարկավորությունից հետո Ֆրանսիայում մեկ գիշերվա ընթացքում ավելի քան 700 մարդ է ձերբակալվել Ֆրանսիայի ՊՆ-ն հայտարարել է Նիգերում 120 ահաբեկչի վերացման մասին Ֆրանսիայում ձերբակալել են «դեղին բաճկոններ» շարժման առաջնորդին Ֆրանսիայում փակվում է երկրի ամենահին ատոմակայանը