ՀՀԿ-ն Գյումրիում պարտվել է, պարտվում է եւ պարտվելու է

Տարեցտարի, ընտրությունից ընտրություն Սերժ Սարգսյանը եւ Հանրապետական կուսակցությունը Գյումրիում պարտություն են կրում՝ ավելի մեծ թափով: Գյումրին իր տեսակով ընդդիմադիր եւ ազատ լինելով չի սիրում եւ չի քվեարկում Սերժ Սարգսյանի օգտին:

Բավական է միայն համեմատել, թե ընտրությունից՝ ընտրություն, ՀՀԿ-ի օգտին եկող ձայները Գյումրիում ինչ արագությամբ են կրճատվում, եւ պարզ է դառնում, թե առաջիկա խորհրդարանական ընտրություններում Սերժ Սարգսյանի գլխավորած ուժը Գյումրիում ինչ դառը արդյունքի է բախվելու՝ հերթական անգամ: Ռեյտինգային խայտառակ ընտրակարգն էլ այստեղ ՀՀԿ-ին չի կարող օգնել:

Այժմ թվերի լեզվով

2013 թվականի ՀՀ նախագահական ընտրություններում ՀՀԿ ղեկավար՝ Սերժ Սարգսյանը պարտվեց «Ժառանգություն» կուսակցության նախագահ Րաֆֆի Հովահաննիսյանին:

2012 թվականին կայացան խորհրդարանական, իսկ 2013-ին նախագահական ընտրություններ: ԱԺ ընտրության ժամանակ ԲՀԿ-ն Գյումրիում ստացավ մոտ 45 տոկոս քվե, 18 տոկոսից ավելի` Ժառանգությունը, իսկ ՀՀԿ-ն` 24,5 տոկոս: Սա այն պարագայում, երբ կառավարող հանրապետականը իր օգտին էր ծառայեցրել վարչական, քրեական, կեղծածար եւ ընտրակաշառքային ռեսուրսների մի ամբողջ շարք:

Այս խայտառակ պարտությունից ոչ այնքան ուշ, տեղի ունեցավ եւս մեկը: 2013 թվականի նախագահական ընտրությունների արդյունքները ամփոփելուց պարզ դարձավ, որ քվեների 69,5 տոկոսը գյումրեցին տվել է Րաֆֆի Հովհաննիսյանին, իսկ Սերժ Սարգսյանին բաժին է հասել 26,5 տոկոս՝ կրկին վերոնշյալ մեխանիզմների բարձր հովանավորությամբ:

Գյումրեցին հանրապետականին եւս մեկ անգամ հասկացրեց, որ Սերժ Սարգսյանը եւ ռեժիմի ցանկացած ներկայացուցիչ Գյումրիում այլեւս անելիք չունի:
Ավելի ուշ` նախագահի ընտրությունից երկու տարի անց` 2015-ի դեկտեմբերին, Գյումրիում պարտվեց նաեւ Սերժ Սարգսյանի սահմանադրական հանրաքվեն: Սերժ Սարգսյանի ԱՅՈ-ի օգտին քվե էր տվել ընտրողների 40 տոկոսը`ոմանք վախով, ոմանք՝ կաշառքով:

Սերժ Սարգսյանը այս պարզ թվաբանությունը ձեռքին ունենալով՝ ձայների կորզման ի՞նչ հույսեր է կապում, դժվար է ասել: Սակայն մի բան է հստակ՝ գյումրեցին տեր է իր քվեին, չի քվեարկում հանրապետական ռեժիմի օգտին, չի կաշառվում եւ չի վաճառվում: Տարիները ցույց տվեցին, որ գյումրեցին չթողեց, որ Սերժ Սարգսյանը Գյումրիում 100, 90, 60 կամ գոնե 50 խփի:

Դավիթ Գասպարյան

Գյումրի

Այս թեմայով Վարդան Ղուկասյանը երկու ամսով կալանավորվեց Գյումրիի քաղաքապետարանը քաղաքացիներին հորդորում է չտրվել սադրանքների Կարմիր ու սեւ բերետավորները բիրտ ուժի կիրառմամբ բերման են ենթարկում քաղաքացիներին. լսվում են հայհոյանքներ (տեսանյութ) Գյումորւ քաղաքապետ Վարդան Ղուկասյանին տեղափոխում են Երևան՝ Հակակոռուպցիոն կոմիտե Ինչպես են կարմիր բերետավորները մուտք գործում Գյումրիի քաղաքապետարանի շենք (տեսանյութ)