Տղաների ու ակումբի համար միայն հպարտություն եմ զգում

Կրասնոդարի» կիսապաշտպան Էդուարդ Սպերցյանը կիսվել է 2025/26 մրցաշրջանի ավարտից հետո իր տպավորություններով ու ապրումներով։ Հայաստանի ազգային հավաքականի ֆուտբոլիստը նշել է, որ չնայած բաց թողնված տիտղոսներին, ինքը հպարտանում է իր թիմով։

​«Տղաների ու ակումբի համար միայն հպարտություն եմ զգում։ Իհարկե, վիրավորական է, որ բոլոր ճակատներում վերջնական հաջողության հասնելու համար մեզ մի փոքր չհերիքեց։ Սակայն, միևնույն է, այս արդյունքներով արժե հպարտանալ։ Ֆուտբոլում ամեն ինչ որոշվում է մանրուքներով, և մենք դեռ մանրամասն կվերլուծենք այս ամենը»,- ասել է Սպերցյանը։

​Անդրադառնալով թիմի պահեստայինների նստարանի կարճ լինելու հանգամանքին՝ կիսապաշտպանը չի բացառել, որ դա իր ազդեցությունն ունեցել է, սակայն ընդգծել է, որ ընդհանուր առմամբ հիանալի մրցաշրջան են անցկացրել։ Նա նաև պարզաբանել է Կորդոբայի փոխարինումը վճռորոշ խաղում՝ նշելով, որ պատճառը վնասվածքն էր։

Ռուսաստանի Պրեմիեր լիգայի ավարտված մրցաշրջանում «Կրասնոդարը» 66 միավորով զբաղեցրեց երկրորդ հորիզոնականը՝ չեմպիոնի տիտղոսը նվաճած «Զենիթին» զիջելով ընդամենը երկու միավորով։ Իսկ Ռուսաստանի Գավաթի սուպերեզրափակչում «ցուլերը» հետխաղյա 11-մետրանոցներով ցավալի պարտություն կրեցին Մոսկվայի «Սպարտակից» (հիմնական ժամանակ՝ 1:1, 11մ.՝ 3:4)։