Իրանի hարձակումները շարքից հանել են Քաթարի հեղուկացված բնական գազի արտահանման հզորությունների 17%-ը

Իրանական հարձակումները շարքից հանել են Քաթարի հեղուկացված բնական գազի արտահանման հզորությունների 17%-ը՝ պատճառ դառնալով տարեկան մոտ 20 միլիարդ դոլարի եկամտի կորստի և վտանգելով մատակարարումները Եվրոպա ու Ասիա։ Այս մասին հինգշաբթի օրը Reuters-ին հայտնել է QatarEnergy-ի գործադիր տնօրեն և էներգետիկայի հարցերով պետնախարար Սաադ ալ-Քաաբին։

«Ես նույնիսկ իմ ամենահամարձակ երազներում չէի պատկերացնի, որ Քաթարը և տարածաշրջանը կենթարկվեն նման հարձակման, հատկապես եղբայրական մուսուլմանական երկրի կողմից՝ Ռամադան ամսին»,- ասել է Քաաբին։

Քաաբիի խոսքով՝ պետական QatarEnergy-ն ստիպված կլինի մինչև հինգ տարի ժամկետով ֆորս-մաժոր հայտարարել Իտալիա, Բելգիա, Հարավային Կորեա և Չինաստան ուղարկվող հեղուկացված բնական գազի մատակարարման երկարաժամկետ պայմանագրերի մասով՝ երկու վնասված հոսքագծերի պատճառով։

«Սրանք երկարաժամկետ պայմանագրեր են, որոնց համար մենք պետք է ֆորս-մաժոր հայտարարենք։ Մենք արդեն հայտարարել էինք, բայց դա ավելի կարճ ժամկետի համար էր։ Հիմա դա կտևի այնքան, որքան կպահանջվի»,- նշել է նա։

Այս թեմայով Փեզեշքիան. ԱՄՆ ագրեսիան ոչնչացնում է համաշխարհային իրավական համակարգը ԻՀՊԿ-ն պնդում է, որ հարվածել է ԱՄՆ-ի կողմից վերահսկվող Ադ-Զաֆրա բազային ԱՄԷ-ում Եթե Իրանը հարձակվի Կատարի վրա ԱՄՆ-ը կոչնչացնի «Հարավային Պարս»-ը Իրանի միակ «հաղթանակները» այն հաղթանակներն են, որոնք ստեղծվել են արհեստական բանականության օգնությամբ. Թրամփ Թրամփը հայտարարել է, որ Իրանը ձգտում է համաձայնության