ԿԳՄՍ նախարարը հյուրընկալել է Խնկո Ապոր անվան ազգային մանկական գրադարանի 2025 թվականի լավագույն ընթերցողներին
Գիրք նվիրելու օրվա կապակցությամբ ԿԳՄՍ նախարար Ժաննա Անդրեասյանը հյուրընկալել է Խնկո Ապոր անվան ազգային մանկական գրադարանի 2025 թվականի լավագույն ընթերցողներին: Հանդիպմանը ներկա են եղել նախարարի տեղակալ Ալֆրեդ Քոչարյանը և Խնկո Ապոր անվան ազգային մանկական գրադարանի տնօրեն Ռուզան Տոնոյանը:
«Հովհաննես Թումանյանի ծննդյան օրն անցկացվող Գիրք նվիրելու օրը մեր երկրում թերևս ամենասիրված տոներից մեկն է: Այն միմյանց հետ շփվելու, ճանաչելու, բացահայտումներ անելու, նոր գրքերով կիսվելու հավելյալ առիթ է: Անչափ ուրախ եմ այսօր ձեզ հյուրընկալել նախարարությունում, և քանի որ դուք շատ գրքեր եք կարդում, եկեք խոսենք ձեր կարդացած գրքերի և գրողների մասին»,- դիմելով երեխաներին՝ ասել է նախարարը և փոքրիկ ընթերցողներից հետ զրուցել նրանց սիրելի գործերի, հետաքրքրությունների և նախասիրությունների մասին։
Ժաննա Անդրեասյանը նաև շնորհակալություն է հայտնել 2018 թվականից Խնկո Ապոր գրադարանում «Լավագույն ընթերցող» մրցույթի անցկացման համար, ինչը ընթերցանության խթանմանն ուղղված լավագույն ձևաչափերից է:
Ընթերցողները պատմել են իրենց կարդացած գրքերի, նախասիրած գրական ժանրերի, ստեղծագործությունների, սիրելի հեղինակների մասին, ներկայացրել ընթերցանությունից դուրս մյուս նախասիրությունները։
Նախարարն իր խոսքում անդրադարձել է նաև ֆիլմերի, թատերական, բալետային, օպերային ներկայացումների, ճարտարապետական և հուշարձանային նմուշների համար ստեղծագործական հիմք դարձած գրական ստեղծագործություններին՝ նշելով, որ արվեստի ճյուղերը փոխկապակցված են:
Նրա խոսքով՝ այս շարքում գրական ստեղծագործություններն անմրցելի են. ընթերցանությունն ավելի է զարգացնում միտք և երևակայությունը:
Խնկո Ապոր անվան ազգային մանկական գրադարանի տնօրեն Ռուզան Տոնոյանը շնորհակալություն է հայտնել հյուրընկալության համար՝ նշելով, որ այս խորհրդանշական օրը նախարարի հանդիպումը երեխաների հետ մեծ ոգևորություն է առաջացրել: Տնօրենի տեղեկացմամբ՝ մրցույթի 15 հաղթողները ընտրվել են դպրոցական փոքր, միջին և ավագ տարիքային խմբերից։ Մրցույթում հաղթած երեխաները տարեկան ընթերցում են ավելի քան 70 գիրք․ նրանք աչքի են ընկնում ընթերցասիրությամբ, տարբեր հետաքրքրություններով։
Հանդիպման ընթացքում Խնկո Ապոր անվան ազգային մանկական գրադարանի 2025 թվականի լավագույն ընթերցողները ստացել են հավաստագրեր, որոնք հանձնել է նախարար Ժաննա Անդրեասյանը։ Նա նաև գրքեր է նվիրել երեխաներին՝ ընտրված Հովհաննես Թումանյանի անձնական գրադարանի ցանկից։
Լույսն ամենաթանկ նվերն է, որ կարող ես տալ մարդուն
Ով կներկայացնի Հայաստանն այս տարի «Մանկական Եվրատեսիլ» մրցույթում
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
Դեպի Երևան․ ինչպե՞ս (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Երթևեկության կազմակերպման փոփոխություն՝ Վարդանանց փողոցում
Առաջին նոր երգ` հարսանիքից հետո
Տուրիստ չեմ` ավտոբուս չկա
Էլեկտրաէներգիայի ընդհատումներ կլինեն Երևանում և մարզերում