ՀԾԿՀ-ում քննարկվել են ջրամատակարարման և ջրահեռացման համակարգերի բարելավմանն ուղղված հարցեր
Հանրային ծառայությունները կարգավորող հանձնաժողովում՝ նախագահ Մեսրոպ Մեսրոպյանի գլխավորությամբ, այսօր անցկացվել է աշխատանքային խորհրդակցություն «Վեոլիա ջուր» ՓԲԸ-ի ներկայացուցիչների մասնակցությամբ։ Խորհրդակցությանը ներկա է եղել նաև Ջրային կոմիտեի նախագահ Արամազդ Ղալամքարյանը։ Այս մասին NEWS.am–ին տեղեկացնում են ՀԾԿՀ-ից:
Քննարկվել են ջրամատակարարման և ջրահեռացման համակարգերի շահագործման ընթացքում առաջացող խնդիրները, ինչպես նաև դրանց կարգավորման և ծառայությունների որակի բարելավմանն ուղղված հարցերը։
Խորհրդակցության ընթացքում անդրադարձ է կատարվել ջրամատակարարման ընդհատումներին, ջրի ճնշման տատանումներին, կոյուղաջրերի արտահոսքերին և ջրի որակի վերահսկման գործընթացներին։ Հանձնաժողովի կողմից կարևորվել է նշված խնդիրների պատճառների, դրանց լուծման ուղղությամբ իրականացվող միջոցառումների, պատասխանատու ստորաբաժանումների և ժամկետների վերաբերյալ հիմնավորված տեղեկատվության ներկայացման անհրաժեշտությունը։
«Վեոլիա ջուր» ՓԲԸ-ին առաջարկվել է ներկայացնել ջրամատակարարման և ջրահեռացման համակարգերի քարտեզագրման ընթացքի վերաբերյալ տեղեկատվություն, ջրի կորուստների նվազեցմանն ուղղված միջոցառումների ծրագիր, ինչպես նաև վթարային իրավիճակներին արձագանքման և հանրային իրազեկման գործընթացների բարելավման վերաբերյալ առաջարկություններ։
Հանձնաժողովը շարունակելու է իր լիազորությունների շրջանակում հետևել ոլորտում իրականացվող աշխատանքներին և ծառայությունների մատուցման որակի ապահովմանը։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը