«Արթուն ենք» նախաձեռնող խումբը թիրախն ուղղում է «Հայաստան» դաշինքի վրա․ Արմեն Բադալյան

Թե՛ իմպիչմենտի գործընթացը, թե՛ իշխանություն — եկեղեցի հարաբերությունները ամբողջովին տեղավորվում են հաջորդ տարի կայանալիք ընտրությունների նախընտրական տրամաբանության մեջ։ Այս մասին մամուլի ասուլիսի ընթացքում հայտարարեց քաղտեխնոլոգ Արմեն Բադալյանը։

«Վարչապետին անվստահություն հայտնելու գործընթացն այնպես է ձեւակերպված Սահմանադրության մեջ եւ օրենքներում, որ կարեւորը ոչ թե սկսվելն է, այլ արդյունքի հասնելը: Այսինքն՝  կարեւորը ոչ թե 36 ստորագրությամբ գործընթացը սկսելն է, այլ 54 ստորագրությամբ ավարտին հասցնելը: Ինչո՞ւ եմ սա շեշտում, որովհետեւ, եթե դու սկսում ես այդ գործընթացը, բայց հաջողության չես հասնում, ուրեմն 6 ամսվա ընթացքում այլեւս չես կարող կրկնել անվստահության գործընթացը։ Արդյունքում գործող վարչապետը ստանում է այսպես կոչված անվտանգության բարձիկ եւ կարող է հանգիստ իրականացնել իր գործողությունները»,- նշեց նա։

Մանրամասն՝ տեսանյութում։