ԱԺ–ում իրավիճակը լարվեց. վիճաբանություն սկսվեց պատգամավորների միջեւ
ԱԺ-ում կրքրեը թեժացան «Հայաստան» խմբակցության պատգամավոր Լևոն Քոչարյանի ելույթից և այդ ելույթին ԱԺ փոխխոսնակ Հակոբ Արշակյանի պատասխանից հետո: Պատգամավորների միջև վեճ և հրմշտոց սկսվեց:
Բանը հասավ նրան, որ ԱԺ փոխխոսնակ, ՔՊ–ական Հակոբ Արշակյանը խորհրդարանի ամբիոնից սպառնալիքներ եւ վիրավորանքներ հնչեցրեց ընդդիմության, մասնավորապես Երկրորդ նախագահ Ռոբերտ Քոչարյանի որդու՝ Լեւոն Քոչարյանի հասցեին։
Լևոն Քոչարյանը, մասնավորապես, իր ելույթում արձագանքելով վարչապետ Նիկոլ Փաշինյանի հայտարարությանը, թե ուր գնում են հանդիպման, մարդիկ ասում են՝ ինչու մինչև հիմա Քոչարյանը կալանավորված չէ, ասաց. «Բա որ մենք, որ գնում ենք մարդկանց հետ հանդիպման, գիտեք, թե ի՞նչ են ասում: Ասում են՝ ինչո՞ւ են մինչև հիմա այդ անհայրենիք դավաճանները իշխանության։
Նիկոլ Փաշինյանն այնքան ջղաձգումների մեջ չի հայտնվում, երբ նրան անվանում են թուրք, դավաճան, բայց կոռուպցիայի հարցը նրան բավական մտահոգում է»:
Նա անդրադարձավ Նիկոլ Փաշինյանի՝ նախորդ շաբաթ կառավարության հետ հարցուպատաժսանի ժամանակ «նյարդային, հիստերիկ շարժումներին, սպառնալիքներին»։
Արտահերթ ելույթով հանդես եկած Արշակյանն ասաց. «Մեզ հետ հանդիպմանն էլ ասում են, որ Ձեր հայրը թուրք է, անունն էլ են տալիս։ Մեզ էլ ասում են՝ դրանք անհայրենիք դավաճաններ են, Արցախը լքել են, պատերազմական վիճակում Արցախը լքել են ընտանիքով, մի կոպեկ ոչ Ղարաբաղի, ոչ ղարաբաղցու համար չեն արել: Ասում են՝ դրանք անհայրենքի դավաճաններ են, բայց մենք չենք ասում դա այս ամբիոնից։ Պահպանում ենք կոռեկտության սահմանները»։
Երբ Լևոն Քոչարյանը տեղից արձագանքեց, Արշակյանն ասաց. «Արա, տեղդ նստի ու մի խոսի, քո խոսելու ժամանակ ես բա՞ն էի ասում, հիմի կհանեմ կշպրտեմ դուրս դահլիճից, որովհետև դու խանգարում ես իմ ելույթը, Լևոն: Հանգիստ նստի տեղդ, մատդ էլ իջեցրու։
Քո խոսքը ինձ հաճելի չէր, բայց ես... նստի տեղդ, լսի, դու այստեղից խոսացողին չես կարող ընդհատել, տեղդ նստի, հանգիստ։ «Գառնիկ Դանիելյան ձեր տեղը նստեք, Լևոն Քոչարյան դուրս եկեք դահլիճից»,- ամբիոնի մոտից ասաց Արշակյանը։
Դրանից հետո իրարանցում սկսվեց և պատգամավորները սկսեցին իրար քաշքշել: Ամբիոնի մոտ գտնվող Արշակյանին չէր հաջողվում պատգամավորներին հանդարտեցնել: Պատգամավորների հանդարտվելուց հետո Արշակյանը շարունակեց ելույթը:
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Զորականում ուսանողին ծեծի ենթարկած դեռահասներն ազատության մեջ են
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
54-ամյա Քրիստինա Օրբակայտեն լողազգեստով ցուցադրել է կազմվածքը
Քեյթ Միդլթոնը բացահայտել է իր արտաքինի մասին զարմանալի գաղտնիք
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Աշակերտները ծեծի են ենթարկել և նվաստացրել Նոյեմբերյանի պետական քոլեջում սովորող տղային. նրանք ձերբակ...
Ով մեզ հետ չի, առնվազն դավաճան է