Պահանջում ենք փակել թափվող ջրերը, որը հազարավոր լիտրեր է, նոր անցնեն մեզ. ձկնարտադրող

Ձկնաբույծները կրկին բողոքի ակցիա են իրականացնում կառավարության մոտ՝ պահանջելով չեղարկել ԱԺ-ում ընդունված ձկնաբուծական տնտեսությունների վերաբերյալ օրենքը:

«Մենք պահանջել ենք հանդիպում՝ բացատրելու մի պարզ բան՝ փակել թափվող ջրերը, որը հազարավոր լիտրեր է, նոր անցնեն մեզ։ Ասում են չէ՝ դա պետք է թափվի, ձերը պետք է փակվի։ Տրամաբանություն չենք տեսնում դրա մեջ և ուզում ենք հասանելի դարձնել այն մարմիններն, որոնք տեղյակ չեն»,«ասաց ակցիայի մասնակիցներից մեկը:

Հիշեցնենք՝ ջրային ռեսուրսների վատնումը նվազեցնելու նպատակով կառավարությունը որոշել է, որ հաջորդ տարվանից ձկնաբուծարաններն աշխատելու են փակ ցիկլով։ Ձկնաբույծները պնդում են, որ նոր օրենքի պատճառով ստիպված են լինելու փակել ձկնաբուծարանները, արդյունքում տասնյակ բիզնեսներ կփակվեն, հազարավոր մարդիկ կմնան առանց աշխատանքի։