Հայ-թուրքական սահմանը նաև ՆԱՏՕ-ի հետ սահման է. Հասմիկ Վարդանյան
Դեռ նախորդ տարվա հուլիսին հայկական և թուրքական կողմի բանագնացներ Սերդար Քըլըչը և Ռուբեն Ռուբինյանը Մարգարայի կամուրջի վերաբացման և ավիափոխադրումները վերականգնելու մասին պայմանավորվածություն էին ձեռք բերել,- Alpha News-ի հետ զրույցում ասում է «Հայացք» վերլուծական կենտրոնի փորձագետ Հասմիկ Վարդանյանը՝ անդրադառնալով հայ-թուրքական դիվանագիտական հնարավոր հարաբերությունների հաստատման հարցին:
Փորձագետի խոսքով՝ առնվազն ավիափոխադրումների վերաբերյալ հողի վրա իրականում որևէ արդյունք չկա: Նա ընդգծում է՝ թեպետ ավիափոխադրումների արգելքը վերացվել է, բայց ոչ մի բեռ օդային ճանապարհով չի փոխադրվել: Վարդանյանը հույս չունի, որ Մարգարայի կամուրջի մոտ անցակետի կառուցումը որևէ իրական և տեսանելի օգուտ կարող է տալ Հայաստանին, հատկապես, որ ըստ պայմանավորվածության, խոսքն այդ կամրջով երրորդ երկրների անձանց տեղաշարժի մասին է:
«Մարգարայի անցակետի թեման ակտիվացնելը իշխանությունների կողմից ժողովրդին «բլիթ» ցույց տալու միտում ունի, որ պարտվողական գործընթացների արանքում կա նաև ձեռքբերում, որից դուք կարող եք օգուտներ ստանալ: Եկեք այդ օգուտների մասին չմոռանանք»,- ասում է փորձագետը:
Հայ-թուրքական բանակցությունները կանգ են առել դեռ անցյալ տարվանից, դա բացատրվում էր հիմանակնում Թուրքիայի ներքաղաքական խնդիրներով,- նշում է փորձագետը: Նա հավելում է՝ թուրք-սիրիական հարաբերություններում, սակայն, Թուրքիան պասիվ չի եղել:
«Թուրքիայի օրակարգից չի երևում, որ այդ երկիրը որևէ առաջնայնություն է տալիս Հայաստանի հետ հարաբերություններին»,- ընդգծում է Հասմիկ Վարդանյանը:
Նրա խոսքով՝ Թուրքիան սպասում է հայ-ադրբեջանական հարաբերությունների հանգուցալուծմանը: Մյուս կարևոր հանգամանքը, որը կարող է ազդեցություն ունենալ հայ-թուրքական հարաբերությունների վրա, ըստ փորձագետի, Էրդողանի վերընտրվելուց հետո Թուրքիայի արտաքին քաղաքականությունում արձանագրված փոփոխություններն են:
«Մինչև ընտրությունները Թուրքիան բավականին սերտ հարաբերություններ ուներ Ռուսաստանի հետ և նրանք գործում էին Հարավային Կովկասում միմյանց շահերը հաշվի առնելով»,- բացատրում է Հասմիկ Վարդանյանը:
Նա նշում է՝ այսօր Անկարան իր արտաքին քաղաքականությունը կառուցում է Արևմուտքին նայելով: Այս գործոնը ևս կարող է փոխել հայ-թուրքական բանակցությունների էությունը:
Հասմիկ Վարդանյանի խոսքով՝ Հայաստանը կարող է կապող հանգույց հանդիսանալ ոչ միայն Եվրոպայի այլև ԵԱՏՄ տարածքի և ՆԱՏՕ-ի միջև:
«Չպետք է մոռանալ, որ հայ-թուրքական սահմանը դա նաև ՆԱՏՕ-ի հետ սահման է»,- ընդգծում է նա:
Ըստ փորձագետի հայ-թուրքական սահմանի բացումը շահեկան է տարածաշրջանային գրեթե բոլոր դերակատարներին:
«Ում շահերն ավելի շատ կսպասարկվեն այդ սահմանի բացումից, դրանից էլ կախված կլինի, թե գործընթացը, որ կողմի միջնորդությամբ կընթանա»,- եզրափակում է «Հայացք» վերլուծական կենտրոնի փորձագետ Հասմիկ Վարդանյանը:
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Գարեգին Երկրորդի եղբոր կալանքը 2 ամսով երկարաձգվեց
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Էստոնիան այս տարի պլանավորում է դեսպանություն բացել Երևանում
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...