Զախարովան չի մեկնաբանել Բլինքենի խոսքերը Երեւանի եւ Բաքվի միջեւ խաղաղության համաձայնագրի ստորագրման մասին

ՌԴ ԱԳՆ-ի պաշտոնական ներկայացուցիչ Մարիա Զախարովան չի մեկնաբանել ԱՄՆ պետքարտուղար Էնթոնի Բլինքենի խոսքերն այն մասին, որ Ադրբեջանը եւ Հայաստանը շուտով կարող են խաղաղության համաձայնագիր կնքել։

«Եկեք, այնուամենայնիվ, մեկնաբանենք տեղի ունեցած իրադարձությունները, իսկ հեռանկարները մեկնաբանելու վարպետները շատ են։ Բայց եւ այնպես, ելնենք այն բանից, որ սկզբում պետք է դա կատարվի, իսկ հետո արդեն պետք կլինի եւ կարելի կլինի մեկնաբանել դա։ Մենք միշտ բաց ենք մեկնաբանությունների համար, բայց առայժմ մեկնաբանելու բան պարզապես չկա»,- ասել է Զախարովան ամենշաբաթյա ճեպազրույցում։