«Մի պատկերացրեք, որ խրամատը պետք է սալիկապատված ու «Բաքսի» քաշած լինի». ՔՊ–ական պատգամավոր
Որոշ տեղերում մենք դեռ պետք է բերենք սահմանված վիճակի, հետո նոր մտածենք բարեփոխումների մասին. մենք ամեն մի ռազմական գործողությունից հետո առճակատվում ենք նոր իրողության, որի ուղղությամբ մի շարք միջոցառումներ են իրականացվում, որոնք ժամանակ են պահանջվում: Այս մասին այսօր՝ փետրվարի 1-ին, ԱԺ-ում լրագրողների հետ զրույցում հայտարարեց «Քաղաքացիական պայմանագիր» խմբակցության պատգամավոր Արմեն Խաչատրյանը:
«Ռազմական նշանակության հարյուրավոր կմ ճանապարհներ են կառուցվում լեռնային եւ բարձր լեռնային հատվածներում: Ցավոք սրտի, ոչ բոլորին է դա տեսանելի եւ այդպես էլ պետք է լինի: Ես այս ճանապարհները տեսել եմ եւ գոհ ու զարմացած եմ մնացել, թե ինչպես է կարելի նման լեռնային պայմաններում նման աշխատանքներ իրականացնել: Հավատացեք, մենք աշխատում ենք այդ բոլոր ուղղություններով, բայց մեզ ժամանակ է պետք»,-ասաց նա:
Դիտարկմանը, որ ի հայտ են գալիս փաստեր, որ ժեշտից կացարաններ են, ցելոֆանապատ վրաններում ու կեղտոտ քնապարկերում են քնում զինվորները, Արմեն Խաչատրյանն ասաց. «Եթե քնապարկը խրամատում է, պետք է կեղտոտ լինի: Խրամատը մի պատկերացրեք, որ այնտեղ պետք է սալիկապատված լինի, «Բաքսի» քաշած լինի: Խրամատը հողային շինություն է, որը նախատեսված է պաստպարվելու համար: Այո, կարող եւ ժեշտից կացարան լինել, բայց որ ասում եք՝ ցելոֆանապատ, վրանային, նման կացարաններ հիմա չկան: բայց հնարավոր է տակտիկական անհրաժեշտությունից ելնելով որոշակի կարճ ժամանակահատվածում ինչ-որ տեղ հայտնվեն մեր ռազմական ուժերի ներկայացուցիչները, մի քանի օր վրան դնեն, որոշակի գործողություն անեն ու գնան: Բայց մշտական տեղակայման վայրերում ցելոֆանային, վրանային վիճակներ չկան»,-ասաց նա:
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Գարեգին Երկրորդի եղբոր կալանքը 2 ամսով երկարաձգվեց
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Էստոնիան այս տարի պլանավորում է դեսպանություն բացել Երևանում
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Դադարեցվեցին ԱԺ առողջապահության հարցերի հանձնաժողովի նախագահ Հռիփսիմե Հունանյանի լիազորությունները
Կլիմայական փոփոխությունների պատճառով` սպիտակ արջերը ավելի գեր եւ ավելի առողջ են դարձել