Տղա եք՝ մի սահմանափակեք մարդկանց խոսելու իրավունքը. Տիգրան Քոչարյան

«Մեր ժողովրդին ցանկանում են համոզել, որ մենք բացի պարտությունից՝ ուրիշ ոչինչ չենք ունեցել, հերոսական հաղթանակներ, Արցախյան պատերազմում հաղթանակներ չենք տարել, հերոսներ չենք ունեցել և այլն»,- Yerevan.Today-ի հետ զրույցում ասաց մեդիափորձագետ Տիգրան Քոչարյանը՝ անդրադառնալով հանգամանքին, որ ֆեյսբուքում արգելափակվում են բոլոր այն գրառումները, որտեղ նշվում է ազգային հերոս Մոնթե Մելքոնյանի անունը կամ նրա լուսանկարը: «Եվ կոնկրետ Մոնթե Մելքոնյանի հարցով պետական օրգանների պասիվությունը ստիպում է հավատալ, որ ինչ-որ առաջադրանք է կատարվում»:

Ինչ վերաբերում է նրան, որ նաև շատ ակտիվ կերպով արգելափակվում են բոլոր այն ընդդիմադիր գործիչները, ովքեր փորձում են իրենց կարծիքով կիսվել նաև ֆեյսբուքում, Տիգրան Քոչարյանն ասաց. «Շատ ակտիվ մարդկանց, ովքեր Ֆեյսբուքում գրառումներ են անում և ընդդիմադիր հայացնքներ ունեն, լայքերի քանակն իջնում է, և այն մարդիկ, ովքեր գրառումներում 400-500 լայք էին հավաքում, հիմա 50-100-ից չի անցնում: Դա նշանակում է, որ ներքին մեխանիզմներ են աշխատում ֆեյսբուքում, որոնք իջեցնում են այդ մարդկանց տեսանելիությունը:

Սա ընդունված պրակտիկա է ոչ միայն Հայաստանի պարագայում, այլ նաև այն բոլոր երկրներում, որտեղ ընդդիմադիր կամ պետական գործիչների հայացքները չեն համընկնում ըդնհանուր ուղեգծի հետ, այսինքն ԱՄՆ-ի նշած ուղեծիրների հետ: Իսկ Հայաստանում խայտառակ վիճակի է դա հասել»:

Մեդիափորձագետը նաև ընդգծում է, որ լինում են նաև դեպքեր, երբ ընդհնարապես օգտատերերի էջերն են ջնջում և ասում, որ նման էջ գոյություն չի ունեցել. «ՀՀ ընդդիմադիր կայքերն այդ խնդիրներն ունեին, բայց այն հասել է նրան, որ ընդդիմադիր քաղաքական ոգրծիչների, այդ թվում ՀՀ նախկին նախագահների էջերի տեսանելիությունն են սահմանափակում: Այս դեպքում խոսքը գնում է ՀՀ երկրորդ նախագահ Ռոբերտ Քոչարյանի էջի մասին։ Այստեղ երկու բան է հետապնդում. առաջին, որ ինֆորմացիան, ըստ իրենց, տարածվի շատ ավելի նեղ շրջանում և շատ ավելի քիչ մարդիկ նորություն իմանան երկրորդ նախագահի կարծիքների ու հայտարարությունների մասին, և 2-րդ՝ նաև փորձել ցույց տալ, թե ժամանակին հազարավոր լայքեր է հավաքել, հիմա տասնյակ: Սա շատ պրիմիտիվ և կեղտոտ մանիպուկլյացիա է»:

Մեդիափորձագետի հետ հարցազրույցն ամբողջությամբ՝ տեսանյութով: