Նորից տուգանքի մատերիալ է դառնում քաղաքացին․ պատգամավորը՝ հայտարարագրման նախագծի մասին
Կառավարությունը խորհրդարան է ներկայացրել եկամուտների համընդհանուր հայտարարագրման մասին նախագիծ, որի վերաբերյալ Yerevan.Today-ը զրուցել է ԱԺ «Հայաստան» խմբակցության պատգամավոր, տնտեսագետ Թադևոս Ավետիսյանի հետ։ Հարցին, թե՝ ի՞նչ է ենթադրում այն և սովորական քաղաքացին ի՞նչ կարող է սպասել այս նախագծից՝ լավ կամ վատ առումով, մեր զրուցակիցը նշեց․ «Ձևական պարտավորություն է, որ համար նորից տուգանքի մատերիալ է դառնում քաղաքացին»։
«Նման փոփոխություները, որոնք վերաբերվում են հասարակության բոլոր շերտերին և արմատական փոփոխություն են ենթադրում, նախ պետք է անցնեն բավականաչափ քննարկումների փուլ և երկրորդը՝ նաև հանրային լայն իրազեկում պետք է լինի։ Իշխանութունները, որ այս փոփոխությունը կատարում են, ըստ էության,ուզում են մի զարկով երկու նապաստակի տիրանալ, ականջահաճո ձևակերպում են տալիս հանրության համար՝ ներկայացված կարգավորումները կապելով կոռուպցիայի դեմ պայքարի հետ, բայց իրականում փոփոխության բնույթն աղերս չունի դրված նպատակի հետ»,-նշեց Թադևոս Ավետիսյանը
«Եկամուտների համընդհանուր հայտարարգրումը, այո՛, կարևոր բարեփոխում է, որպեսզի ստվերային շրջանառութունը կրճատվի, արդար մրցակցություն ունենանք և, այո, նաև մարդկանց սոցիալական կարիքները կամ կարգավիճակը հնարավոր լինի հստակ գնահատել։ Բայց դրված նպատակը չի իրականացվելու ևայս կարգավորումները ոչ թե ստվերի կրճատման ուղղությամբ է ծառայելու, այլ թաքնված նպատակ ունի․ ձևական պարտավորություն է , որի համար նորից տուգանքի մատերիալ է դառնում, իրենց լեզվով ասած, քաղաքացին։ Բուն նպատակն այնէ, որ այն քաղաքացիները, որոնք ստանում են արտերկրից դրամական փոխանցումներ, այսինքն այն տրանսֆերները, որ գալիս են Հայաստան և այն քաղաքացիները, որ դրսից գումար են ստանում հունվարի մեկից ենթակա են հայտարարագրման»,-ասաց մեր զրուցակիցը՝ կրկին վստահեցնելով, որ համակարգը դառնում է ձևական մի պարտավորություն քաղաքացու համար,որը չկատարելու դեպքում դարձյալ տուգանվում է շարքային քաղաքացին։
«Միակ տրամաբանական ու թաքնված նպատակը տրանսֆերների հարկումն է, այսինքն այն քաղաքացիները, որոնք դրսի իրենց բարեկամներից, հարազատներից , արտագնա աշխատանքի մեկնած ընտանիքի անդամներից օգնություն են ստանում ՝ դրամական փոխանցումների ձևով, այդ գումարները , հիմա էլ որոշել են «չանչը գցել» արտերկրից եկող դրամական փոխանցումների վրա, որ այդտեղից էլ հարկեն, ուզում են դրա մեջ էլ փայ մտեն՝ բարեփոխման անվան տակ»,-ասաց պատգամավորը։
Մանրամասն՝ տեսանյութում։
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Գարեգին Երկրորդի եղբոր կալանքը 2 ամսով երկարաձգվեց
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Իրանում վերականգնվել է ինտերնետային կապը
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Էստոնիան այս տարի պլանավորում է դեսպանություն բացել Երևանում
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...