McDonald's-ը հայտնել է, թե ում կվաճառի իր ռուսական բիզնեսը
Ամերիկյան McDonald's ընկերությունը հայտնել է, որ իր ռուսական բիզնեսը կվաճառի ներկայում լիցենզիա ունեցող Ալեքսանդր Գովորին, հայտնում է ՏԱՍՍ-ը։
«Այսօր ընկերությունը հայտարարում է McDonald's-ի գործընկեր Ալեքսանդր Գովորին ռուսական ակտիվների վաճառքի գործարքի կնքման մասին: Գործարքի պայմաններով պարոն Գովորը ձեռք է բերում ցանցի ողջ ռեստորանային պորտֆոլիոն եւ հետագայում կզարգացնի այն նոր ապրանքանիշի ներքո»,- ասվում է հայտարարության մեջ։ Ընկերության մամուլի ծառայության տվյալներով՝ Գովորը McDonald's-ի գործընկերն է 2015 թվականից, Սիբիրում ֆրանշիզեով բացված 25 ձեռնարկություն է աշխատում։
Մամուլի հաղորդագրության համաձայն՝ McDonald's-ի ակտիվների վաճառքի պայմանագիրը պահանջում է որոշակի պայմանների համաձայնություն, այդ թվում՝ կարգավորող մարմինների հաստատում։ «Ակնկալվում է, որ համակարգման բոլոր անհրաժեշտ փուլերը կավարտվեն մոտակա շաբաթների ընթացքում»,- նշել են ընկերությունում։
Ինչպես նշվում է հայտարարության մեջ, բոլոր աշխատակիցները կպահպանեն աշխատատեղերը համարժեք պայմաններով առնվազն երկու տարի։ Բացի այդ, գնորդը համաձայնել է մինչեւ գործարքի փակվելը ֆինանսավորել երկրի 45 մարզերում կորպորատիվ աշխատողների աշխատավարձերը, ինչպես նաեւ իր վրա է վերցրել մատակարարների, վարձատուների եւ կոմունալ ծառայությունների նկատմամբ պարտավորությունների կատարումը։
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
ԱՄՆ-ն ցանկանում է հանգստավայր կառուցել Գազայի հատվածի ավերակների վրա
Իսպանացի արքայադուստրը խախտել է թագավորական ընտանիքի ավանդույթը
Գյումրիում կատարված uպանnւթյnւնը բացահայտվել է, մեկ անձ ձերբակալվել է
Մակրոնը հայտարարել է լայնածավալ ռազմական ծրագրի մեկնարկի մասին
Փրկարար ծառայությունն ամփոփում է անցած շաբաթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Կասեցվել է «Արփի Լենդ» ՍՊԸ-ին պատկանող սպանդանոցի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»