Խղճուկ, ողորմելի, մուրացկան. (տեսանյութ)
Օրվա լրահոսին հետևելիս աչքովս մի վերնագիր ընկավ՝ «Ալեն Սիմոնյանն ու Ադրբեջանի Միլի Մեջլիսի նախագահը բանավիճել են»։
Ես լրահոսին վերնագրերով ու նկարներով հետևողներից չեմ և այդ առումով՝ ոչ ժամանակակից։ Նման վերնագիր կարդալով զարմացա (Նիկոլ Փաշինյանի ու Արարատ Միրզոյանի պահվածքի ֆոնին Ալեն Սիմոնյանի բանավիճելը կարող է անգամ խիստ ընդդիմադիր գործունեություն ընկալվել), բայց նաև ներքին ուրախություն ապրեցի՝ անկախ Ալեն Սիմոնյանի և ընդհանրապես՝ Նիկոլ Փաշինյանի ու նրա թիմակիցների մասին ունեցած իմ խիստ բացասական կարծիքից։ Ուրախացա, որ ՀՀ բարձրաստիճան պաշտոնյան կարող է ոչ միայն համաձայնել, քծնել, նվաստանալ, այլ բանավիճել Ադրբեջանի պաշտոնակցի հետ։
Նայեցի «բանավեճի» տեսանյութն ու համոզվեցի, որ հերթական անգամ մամուլը շփոթեցնող, բովանդակությանը չհամապատասխանող վերնագիր է դրել։ Նայեցի և համոզվեցի, որ սրանք ինչպես ողորմելի, մուրացկան կային, այնպես էլ մնացել են։
Բանն այն է, որ Ադրբեջանի խորհրդարանի խոսնակուհին ԱՊՀ ՄԽՎ 30-ամյակին նվիրված միջոցառումներին ելույթ ունենալով՝ ամբողջությամբ առաջ է տարել Ալիևի գիծը, ըստ որի՝ Ղարաբաղը Ադրբեջանի մաս է, հայ ռազմագերիներ չկան ու դրանք հանցագործներ են, հայերն են Քարագլխի հատվածում դիմել սադրանքի և այլն, և այլն, և այլն։
Ի պատասխան՝ Ալեն Սիմոնյանը հայտարարում է, որ չի ուզում պոլեմիկայի մեջ մտնել ու կրկնում Նիկոլ Փաշինյանին՝ պատրաստ ենք խաղաղության պայմանագիր կնքել։
Ադրբեջանի խոսնակուհին հայկական կողմին համարում է հանցագործ, ավելացնելով՝ կան Ադրբեջանի ներկայացրած 5 սկզբունքներ, որոնց հիման վրա առաջարկվել է սկսել բանակցությունները (այդ սկզբունքներում կարմիր թելով անցնում է «Ղարաբաղը Ադրբեջան է, և վե՛րջ» թեզը)։ Ալեն Սիմոնյանը հայտարարում է, որ ՀՀ-ն կողմ է այդ սկզբունքներին, ու խաղաղություն մուրում։
Խոսնակուհին բոլորի ներկայությամբ հակահայկական ելույթ է ունենում, իսկ Ալեն Սիմոնյանը մուրում է խաղաղություն ու վերջում ինքնանվաստացման ակտի մասնակցում՝ ծափահարում, այսպես կոչված, խաղաղությանը (թրքասեր Գուրգեն Արսենյանն էլ այդ ծափահարություններից բերանն է լայն բացում՝ յուրօրինակ ձևով մասնակցելով ինքնանվաստացման ակտին)։
Խաղաղություն, որն Ադրբեջանը ոչ միայն չի խոստանում, այլև սպառնում է ավելի մեծ «խաղաղությամբ»։
Սրանք մեր երկիրը դարձրել են ողորմելի, մուրացկան, խղճուկ։ Իրենց պես։ Ու ամոթ բոլորիս, որ այս ոչնչություններն են ներկայացնում Հայաստանը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Քեյթ Միդլթոնը բացահայտել է իր արտաքինի մասին զարմանալի գաղտնիք
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...