Ստամբուլյան բանակցություններից հետո ռուսական կողմը Ուկրաինայում իրավիճակի դեէսկալացիայի համար երկու քայլ է բարձրաձայնել (տեսանյութ)

Ստամբուլում ռուս-ուկրաինական բանակցությունների առաջին օրը ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին կառուցողական է գնահատել։

Նա Ուկրաինայում կոնֆլիկտի լիցքաթափման համար հայտարարել է երկու քայլի մասին՝ ռազմական և քաղաքական։ Ռազմականը ենթադրում է Կիևի և Չեռնիգովի ուղղություններում ռազմական ակտիվության կտրուկ նվազում, իսկ ինչ վերաբերում է քաղաքական բաղադրիչին, ապա պատվիրակության ներկայացուցիչները չեն բացառում Պուտինի և Զելենսկու հանդիպման հնարավորությունը՝ ԱԳ նախարարների կողմից խաղաղության պայմանագրի նախնական ստորագրման հետ միաժամանակ։