ԱՄՆ-ն հավելյալ 100 մլն դոլար կհատկացնի Ուկրաինային
ԱՄՆ-ն մտադիր է հավելյալ 100 մլն դոլար հատկացնել «որպես օգնություն քաղաքացիական անվտանգության ոլորտում Ուկրաինայի ներքին գործերի նախարարության ներուժի ամրապնդման համար՝ ուղղված սահմանների անհրաժեշտ անվտանգության ապահովմանը, քաղաքացիական իրավապահ գործառույթների աջակցմանը եւ մեծ կարևորություն ունեցող պետական ենթակառուցվածքների պահպանությանը»: Այս մասին ասվում է ԱՄՆ Պետքարտուղարության հրապարակած հայտարարության մեջ:
«Ֆինանսավորման ավելացումը թույլ կտա շարունակել անհատական պաշտպանության միջոցների, դաշտային սպառազինման, մարտավարական սարքավորումների, բժշկական դեղամիջոցների, զրահապատ ավտոմեքենաների եւ կապի միջոցների անխափան հոսքն Ուկրաինայի Պետական սահմանապահ ծառայության եւ Ուկրաինայի Ազգային ոստիկանության համար: ԱՄՆ կառավարության՝ կենսական կարեւոր նշանակության օգնության շնորհիվ ուկրաինացի իրավապահներն առանցքային դեր են խաղում ռուսական կառավարության դաժան հարձակման զոհերի փրկության գործում, ղեկավարում եւ պաշտպանում են հարձակումների հետեւանքով տեղահանված անձանց շարասյուները և ապահովում կործանարար ռմբակոծությունների հետեւանքով ավերված քաղաքացիական շրջանների անվտանգությունը:
Միացյալ Նահանգները շարունակում է աջակցել Ուկրաինայի ժողովրդին եւ կառավարությանը ժողովրդավարության և երկրի պաշտպանության գործում: Մենք շարունակում ենք կոչ անել Պուտինին դադարեցնել բռնությունը, սանձել ուժերը, այդ թվում՝ նրանց, ովքեր ռազմական հանցագործություններ են կատարել, եւ ընտրել խաղաղության ու դիվանագիտության ուղին: Մենք մտադիր ենք հասնել ռազմական հանցագործությունների եւ այլ չարագործությունների համար պատասխանատվության ենթարկմանը՝ կիրառելով բոլոր հասանելի միջոցները, ներառյալ քրեական հետապնդումը»,- ասվում է Պետքարտուղարության հայտարարության մեջ:
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Մակրոնը հայտարարել է լայնածավալ ռազմական ծրագրի մեկնարկի մասին
ԱՄՆ-ն ցանկանում է հանգստավայր կառուցել Գազայի հատվածի ավերակների վրա
Կասեցվել է «Արփի Լենդ» ՍՊԸ-ին պատկանող սպանդանոցի արտադրական գործունեությունը
Իսպանացի արքայադուստրը խախտել է թագավորական ընտանիքի ավանդույթը
Գյումրիում կատարված uպանnւթյnւնը բացահայտվել է, մեկ անձ ձերբակալվել է
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Փրկարար ծառայությունն ամփոփում է անցած շաբաթը