ԲԸՏՄ-ն և ԵՊՀ-ն ընդլայնում են համագործակցությունը՝ համադրելով գիտական ներուժն ու տեսչական փորձը
ՀՀ բնապահպանության և ընդերքի տեսչական մարմնի ղեկավար Հովհաննես Մարտիրոսյանը, Երևանի պետական համալսարանի աշխարհագրության և երկրաբանության ֆակուլտետի դեկան Սարգիս Քելյանը, կենսաբանության ֆակուլտետի դեկան Կարեն Ղազարյանը վերաստորագրել են համագործակցության հուշագրերը։ Այս մասին տեղեկացնում են ԲԸՏՄ-ից:
Փաստաթղթերի հիմնական նպատակն է խթանել ոլորտում կրթական ծրագրերի շարունակական կատարելագործումը, հզորացնելով մասնագիտական ուսուցման գործնական բաղադրիչը և մշակել արդի պահանջներին համահունչ ընթացիկ ու հեռահար ծրագրեր։
Այս փոխգործակցությունն ունի ձևավորված հարուստ պատմություն․ նախորդ 5 տարիների ընթացքում գործող հուշագրերի շրջանակներում ֆակուլտետների 128 ուսանողներ արդյունավետ պրակտիկա են անցել տեսչական մարմնում։ Որպես երկկողմ կարողությունների զարգացման հաջողված օրինակ՝ համալսարանի մասնագետների կողմից 8 տեսուչների համար կազմակերպվել է Աշխարհագրական տեղեկատվական համակարգերի (GIS) մասնագիտական վերապատրաստման դասընթաց, ինչը զգալիորեն բարձրացրել է տեսչական վերահսկողության տեխնոլոգիական հագեցվածությունն ու արդյունավետությունը։
Նոր հուշագրերով նախատեսված է անցում կատարել գործնական հմտությունների երկկողմ զարգացման ավելի ընդգրկուն մոդելի։ Այն ներառում է ինչպես տեսչական մարմնի աշխատակիցների, այնպես էլ համալսարանի պրոֆեսորադասախոսական կազմի, հետազոտողների, փորձագետների ու ուսանողների ներուժի համատեղում։
Կողմերը վստահություն են հայտնել, որ ԵՊՀ գիտական բարձր ներուժի և ԲԸՏՄ գործնական հարթակի սերտ փոխգործակցությունը հնարավորություն կտա իրական պահանջներից բխող մրցունակ ու արդիական հեռանկարային ծրագրերի ձևավորմանը։
Ուրախ եմ տեղեկացնել, որ սկսում եմ ճանապարհի նոր փուլ․ Հակոբ Արշակյան
Ռեալը կարգապահական վարույթ է սկսել թիմի պաշտպան Ռաուլ Ասենսիոյի դեմ
Արգենտինայում հաջորդ տուրի ֆուտբոլային բոլոր խաղերը 1 րոպեով կընդհատվեն՝ ի պատիվ Մեսիի
ՔԿՀ-ում Գագիկ Խաչատրյանի հետ առանձնազրույցի ընթացքում բարձրացված խնդիրների մի մասը ստանում է լուծում...
Քննարկվել է ԱՄՆ-Ռուսաստան երկկողմ գործակցությունը ֆինանսական ոլորտում
Բրեդլի Բարկոլան պաշտոնապես «Լիվերպուլի» կազմում է
Բարսելոնան ներկայացրել է թիմի վերջնական հայտացուցակն առաջիկա մրցաշրջանի համար
Տեղումներ չեն սպասվում, օդի ջերմաստիճանը կբարձրանա
ՀՀ բուհերի հեռակա ուսուցման ընդունելության դիմում-հայտերի ընդունումը մեկնարկում է սեպտեմբերի 5-ին
Ճամբարակում կայացել է «Ֆեստիվառ» երաժշտական-զբոսաշրջային փառատոնը (ֆոտոշարք)