Թրամփը Բայդենին մեղադրել է ԱՄՆ-ի տնտեսությունը «սպանելու» մեջ

ԱՄՆ նախագահ Ջո Բայդենի գործողությունների պատճառով երկրի քաղաքական ու տնտեսական իրավիճակը վատթարանում է։ Այս մասին հայտարարել է ԱՄՆ նախկին նախագահ Դոնալդ Թրամփը՝ դրանում մեղադրելով Բայդենին, հաղորդում է «ՌԻԱ Նովոստին»։

Նախկին նախագահի խոսքով՝ երկրում հարկերը բարձրացնելու Բայդենի որոշումը հավասարազոր է ամերիկյան տնտեսությունը սպանելուն։ Նա ընդգծել է, որ երկրի ղեկավարի գործունեությունը չի կարելի դրական գնահատել։

Թրամփի խոսքով՝ ԱՄՆ-ի շատ քաղաքներում հանցավորության մակարդակը շարունակում է բարձր մնալ։ Նա նշել է, որ դրա պատճառը թույլ միգրացիոն քաղաքականությունն է։ «Ոչ ոք նրանց չի ստուգում, նրանց հետ հարցազրույցներ չի անցկացնում։ Մենք նույնիսկ չգիտենք՝ որտեղից են նրանք գալիս։ Իսկ նրանք շատ վատ մարդիկ են, եւ նրանց մեջ, ի դեպ, կան ահաբեկիչներ»,- հավելել է Թրամփը։