Ղազախական գազացանցային կազմակերպության դեմ քրեական գործ է հարուցվել բարձր գների պատճառով
Ղազախստանի իրավապահ մարմինները քրեական գործ են հարուցել «Հեղուկ գազի պահեստավորման պարկ» ՍՊԸ-ի դեմ, որը կասկածվում է վառելիքի մենաշնորհային բարձր գներ սահմանելու մեջ։ Այս մասին հայտնել է հանրապետության մրցակցության պաշտպանության եւ զարգացման գործակալության մամուլի ծառայությունը, փոխանցում է ՏԱՍՍ-ը։
«Ատիրաուի շրջանի Ղազախստանի մրցակցության պաշտպանության եւ զարգացման գործակալության վարչությունը հետաքննություն է սկսել «Հեղուկ գազի պահեստավորման պարկ» ՍՊԸ-ի գազացանցային կազմակերպության դեմ՝ գերիշխող կամ մենաշնորհային դիրքի չարաշահման՝ մենաշնորհային բարձր սգների սահմանման հիմքով»,- ասվում է հաղորդագրության մեջ։ Հետաքննության արդյունքների հիման վրա պարզվել է, որ ընկերությունը գերիշխող դիրք է զբաղեցնում Ատիրաուի շրջանի հեղուկ գազի երկրորդային մեծածախ շուկայում։
Միեւնույն ժամանակ Ատիրաուի շրջանի տնտեսական հետախուզության վարչությունն այս կազմակերպության գործունեության աուդիտ է անցկացրել։
«Աուդիտի արդյունքներով՝ 2019-2021 թվականների համար մենաշնորհային բարձր գների սահմանման մասով մենաշնորհային դիրքի չարաշահման նշաններ են եղել։ Ստուգման արդյունքներով՝ Ատիրաուի շրջանի տնտեսական հետախուզության վարչությունը քրեական գործ է հարուցել «Հեղուկ գազի պահեստավորման պարկ» ՍՊԸ-ի դեմ, աշխատանքներ են տարվում մենաշնորհային եկամուտները պետբյուջե առգրավելու ուղղությամբ»,- պարզաբանել են մամուլի ծառայությունում:
Հունվարի 2-ին Ղազախստանում հեղուկ գազի գների բարձրացման դեմ բողոքի ակցիաներ տեղի ունեցան, որոնք մի քանի օր անց անկարգությունների վերաճեցին։ Դրանց մասնակիցները հարձակվում էին ոստիկանների եւ զինվորականների վրա։ Ղազախստանի նախագահ Կասիմ-Ժոմարտ Տոկաեւը հայտարարեց հեղաշրջման փորձի մասին։ Հունվարի 7-ին իրավիճակը կայունացավ, հունվարի 19-ին երկրում հայտարարված արտակարգ դրությունը չեղարկվեց:
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Փրկարար ծառայությունն ամփոփում է անցած շաբաթը
ԲԴԽ-ն դատավոր Արշակ Պետրոսյանին նախազգուշացում հայտարարեց
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...