Նյու Յորքում ձերբակալել են կրիպտոարժույթի Bitfinex բորսան կոտրողներին
Արդարադատության նախարարությունը երեքշաբթի հայտարարել է կրիպտոարժույթի պատմության մեջ ամենամեծ գողության բացահայտման մասին՝ առգրավելով ռեկորդային 3,6 միլիարդ դոլար արժողությամբ բիթքոին ամուսնական զույգից, որը 2016 թվականին ենթադրաբար կոտրել է կրիպտոարժույթի Bitfinex բորսան, հայտնում է «Ամերիկայի ձայնը»։
34-ամյա Իլյա Լիխտենշտեյնը եւ նրա կինը՝ 31-ամյա Հիզեր Մորգանը, ձերբակալվել են երեքշաբթի առավոտյան՝ նյույորքյան Մանհեթենում։ ԱՄՆ գլխավոր դատախազի տեղակալ Լիզա Մոնակոյի խոսքով՝ Լիխտենշտեյնը եւ Մորգանը կանգնած են արդարադատության նախարարության պատմության մեջ ամենամեծ ֆինանսական յուրացման հետեւում: Մոնակոն ընդգծել է, որ նախարարության կողմից իրականացված հաջող գործողությունը ապացույցն է այն բանի, որ կրիպտոարժույթն այլեւս «հանցագործների համար ապաստարան չէ»։
Նյու Յորքի բնակիչներ Լիխտենշտեյն ու Մորգան ամուսինները երեքշաբթի կեսօրին կանգնել են Հարավային շրջանի դաշնային դատարանի առջեւ: Նրանց փողերի լվացման եւ իշխանություններին խաբելու հանցավոր պայմանավորվածության մեղադրանք է առաջադրվել: Գործը հասել է Վաշինգտոնի դաշնային դատարան:
Ամուսինները մեղադրվում են կրիպտոարժույթի Bitfinex բորսան հաքերային եղանակով կոտրելու արդյունքում գողացված 119 754 բիթքոինների լվացման մեջ։ Արդարադատության նախարարության ներկայացուցիչները հայտնել են, որ հանցագործության պահին գողացված միջոցների արժեքը բիթքոիններով գնահատվել է 71 միլիոն դոլար, սակայն, հաշվի առնելով կրիպտոարժույթի արժեքի աճը, այժմ գողացված բիթքոինների ծավալը գնահատվում է. ավելի քան 4,5 միլիարդ դոլար:
Այս հանցագործության հետաքննության կարեւոր իրադարձությունը կարող էր դառնալ AlphaBay ընդհատակյա դարքնեթ-շուկայի կործանումը, որը դադարեց գոյություն ունենալ 2017թ. իրավապահ մարմինների գործողությունների արդյունքում։ Արդարադատության նախարարությունում տեղեկացրել են, որ հաքերների գողացած միջոցների մի մասը փոխանցվել է AlphaBay-ին։
Թվային արժույթի հսկմամբ զբաղվող Elliptic ընկերության տվյալներով՝ անլեգալ կայքի փակումը, հավանաբար, իշխանություններին թույլ է տվել հետեւել AlphaBay-ի ներքին տրանզակցիաներին եւ դրանք կապել Լիխտենշտեյնի կրիպտոարժութային հաշիվների հետ։
Bitfinex-ի հայտարարությունում ասվում է, որ բորսան աշխատում է արդարադատության նախարարության հետ, որպեսզի «մեր կանոնները հաստատի գողացված բիթքոինները վերադարձնելու համար»։
Լիխտենշտեյնը եւ նրա կինը փորձել են նաեւ փող լվանալ փոխանակման կետերի օգնությամբ եւ միջոցները փոխանցել են որպես սթարտապ-քարոզչության վճարներ Հիզեր Մորգանի անունով, տեղեկացրել են արդարադատության նախարարությունում։ Երեքշաբթի դատախազությունը հայտարարել է, որ անօրինական եկամուտները ծախսվել են տարբեր իրեր գնելու վրա՝ սկսած ոսկուց եւ NFC-թոքեններից, վերջացրած Walmart առեւտրային ցանցի «միանգամայն երկրային» նվեր-սերտիֆիկատներով։
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Փրկարար ծառայությունն ամփոփում է անցած շաբաթը
ԲԴԽ-ն դատավոր Արշակ Պետրոսյանին նախազգուշացում հայտարարեց
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...