Գուայդոն հետաքրքրված է Վենեսուելայի իշխանությունների հետ երկխոսությամբ
Վենեսուելայի ընդդիմության առաջնորդ Խուան Գուայդոն ուրբաթ հայտարարել է, որ շահագրգռված է վերսկսել բանակցությունները հանրապետության իշխանությունների հետ, որոնք անցկացվել են Մեքսիկայում եւ ընդհատվել, փոխանցում է ՏԱՍՍ-ը։
«Մենք վերահաստատում ենք մեր դիրքորոշումը եւ մեր միջազգային դաշնակիցների դիրքորոշումը Մեքսիկայում [բանակցային] գործընթացին շուտափույթ վերադառնալու վերաբերյալ՝ համապարփակ համաձայնության հասնելու համար», - գրել է քաղաքական գործիչը Twitter-ում։ «[Բանակցային] գործընթացը վերսկսումից հրաժարվելը բռնապետության վրա միջազգային ճնշման ուժեղացման կհանգեցնի»:
Հունվարի կեսերին Վենեսուելայի նախագահ Նիկոլաս Մադուրոն հայտարարել էր, որ հույս ունի վերսկսել բանակցություններն ընդդիմության հետ:
Վենեսուելայի կառավարությունն ու ընդդիմությունը բանակցություններ են սկսել Մեքսիկայում 2021 թվականի օգոստոսին՝ Նորվեգիայի միջնորդությամբ։ Առաջին փուլի ընթացքում կողմերը փոխըմբռնման հուշագիր ստորագրեցին՝ հաստատելով երկխոսության իրենց պատրաստակամությունը։ Ավելի ուշ Մադուրոն հայտարարեց, որ հրաժարվում է շարունակել բանակցություններն ընդդիմության հետ այնքան ժամանակ, քանի դեռ ԱՄՆ-ն պատասխանատվություն չի կրում Վենեսուելայի եւ Կոլումբիայի քաղաքացի Ալեքս Սաաբի առեւանգման համար։ Նրան կալանավորել են Կաբո Վերդեում եւ արտահանձնել ԱՄՆ, որտեղ նա մեղադրվում է Վենեսուելայի բյուջեի միջոցներն ԱՄՆ կառույցների միջոցով լվանալու մեջ։ Կարակասը բողոքել է հայտնել նրա ձերբակալության կապակցությամբ՝ նշելով, որ Սաաբը դիվանագիտական անձնագիր եւ հատուկ բանագնացի կարգավիճակ ուներ:
Չնայած բանակցությունների դադարեցմանը, ընդդիմադիր «Ժողովրդավարական միասնության դաշինքը» մասնակցել է տարածաշրջանային ընտրություններին, որոնք անցկացվել են Վենեսուելայում անցած տարվա նոյեմբերի 21-ին։ Մադուրոյի քաղաքական հակառակորդները նահանգապետի պաշտոններ են ստացել 23 նահանգներից չորսում։
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
ԲԴԽ-ն դատավոր Արշակ Պետրոսյանին նախազգուշացում հայտարարեց
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը