ԱՄԷ-ի իշխանություններն արգելել են սիրողական նպատակով դրոններ արձակել
ԱՄԷ-ի իշխանություններն արգելել են սիրողական նպատակով արձակել դրոններ (հուսիթների) «Անսար Ալահ» շարժումից Եմենի հյուսիսում իշխող ապստամբների կողմից վերջերս տեղի ունեցած անօդաչուների հարվածների ֆոնին, ասվում է երկրի ՆԳՆ-ի հայտարարության մեջ, հաղորդում է ՌԻԱ Նովոտսի-ն:
Ավելի վաղ մի քանի անօդաչուներ միաժամանակ խոցել են մի քանի թիրախ ԱՄԷ-ի մայրաքաղաք Աբու Դաբիում, այդ թվում՝ նոր օդանավակայանի կառուցման գոտին եւ Աբու Դաբիի Ազգային նավթային ընկերության պահեստների մերձակայքում վառելիքով ցիստեռնները, ինչի հետեւանքով զոհվել է երեք մարդ եւ վիրավորվել վեց քաղաքացի: Պատասխանատվությունը ստանձնել են հուսիթները, որոնք անվանել են հարձակումը՝ որպես պատասխան առ այն, որ ԱՄԷ-ն մասնակցում է իրենց դեմ Եմենում ռազմական գործողություններում:
«ՆԳՆ-ն դադարեցնում է թռիչքային գործողությունները դրոնների սեփականատերերի համար, ինչպես նաեւ թեթեւ սպորտային ինքնաթիռների թռիչքները»,-ասվում է տարածված հրամանում: ՆԳՆ-ն հավելում է, որ հրամանը համաձայնեցված է ԱՄԷ-ի քաղաքացիական ավիացիայի վարչության հետ եւ կոչված է ապահովել կյանքերի ու սեփականության անվտանգությունը:
Հայտարարության մեջ նշվում է, որ բացառություն են կազմում կազմակերպությունները, որոնք զբաղվում են ֆիլմերի կամ գովազդի նկարահանումներով՝ դրոնների կիրառմամբ, սակայն այժմ նրանց անհրաժեշտ կլինի ստանալ իշխանությունների թույլտվությունն իրենց աշխատանքի համար:
Ի պատասխան Աբու Դաբիի ուղղությամբ եմենցի ապստամբների կողմից անօդաչուների արձակման՝ սաուդյան եւ էմիրատների Ռազմաօդային ուժերը կրկնակի ուժով սկսել են ռմբակոծել Եմենում հուսիթների հսկողության ներքո գտնվող տարածքները, մասնավորապես, մայրաքաղաք Սանան, որտեղ ռմբակոծության ներքո է հայտնվել բնակելի շրջանը, ինչի հետեւանքով զոհվել է ավելի քան 20 մարդ:
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Սիլիկյան թաղամասում հայտնաբերվել են 2 սատկած շներ՝ մետաղական լարով խեղդած և կապված