Բյուջեից գումար է գնում ոչ թե մշակույթ զարգացնելու, այլ կառավարության քարոզի համար. Գեղամ Մանուկյան

ՀՌԱՀ անդամների պարտականություններն են հետևել, որ հեռուստաընկերությունները ՀՀ-ում գործող օրենքները չխախտեն, մնացած ոչ մի բանի հետ նրանք գործ չունեն: Այս մասին իր ելույթում ասաց «Հայաստան» խմբակցության պատգամավոր Գեղամ Մանուկյանը: «Այստեղ եկել ելույթներ եք ունենում, մարդկանց պետք չէ թյուրիմացության մեջ գցել, թե վաղվանից սերիալներն ու վատ հաղորդումներն արգելելու են, չկա նման բան:

Ասում եք՝ որակյալ մշակույթ, որակյալ գիտություն, բայց դա կառավարության գործառույթն է, ՀՀ կառավարությունը որևէ մշակութային հաղորդման համար գումար չի տվել, այլ մարդկանց աչքին թոզ փչելու համար մեկը իր գարաժում պանիր է արտադրում, ներկայացնում են որպես բիզնեսի խոշորագույն օրինակ»,-ասաց նա: Նա անդրադարձավ նաև լրագրողներին ուղղված իշխանական պատգամավորների ելույթներին՝ կոչ անելով լրագրողներին տեր կանգնել իրենց իրավունքներին: