Բիշքեկը Ղազախստանի իշխանություններին կոչ է անում ազատ արձակել ղրղըզ երաժշտին
Ղրղըզստանի ԱԳՆ-ն Ղազախստանի իշխանություններին կոչ է արել ազատ արձակել անկարգություններին մասնակցելու կասկածանքով կալանավորված ղրղըզ երաժիշտ Վիկրամ Ռուզախունովին։ Այս մասին կիրակի օրը հայտնել է Ղրղըզստանի ԱԳՆ մամուլի ծառայությունը։
«Ղրղըզստանի Հանրապետության արտաքին գործերի փոխնախարար Ազիզբեկ Մադմարովը Ղազախստանի Հանրապետության դեսպան Ռապիլ Ժոշիբաեւին է փոխանցել քաղաքացի Ռուզախունովի կալանավորման մասին գրությունը՝ կոչ անելով հյուպատոսական հասանելիություն ապահովել կալանավորի համար եւ հնարավորինս շուտ ազատ արձակել նրան»,- ասվում է հաղորդագրության մեջ։
Ըստ մամուլի ծառայության՝ Ղազախստանի դեսպանն ասել է, որ ղրղըզական կողմի մտահոգությունը «անմիջապես կներկայացվի Ղազախստանի ԱԳՆ ղեկավարության ուշադրությանը», եւ խոստացել է «ավելի մանրամասն տեղեկատվություն տրամադրել մոտ ապագայում»։ Միաժամանակ նա վստահեցրել է, որ ստեղծված «բարդ իրավիճակում Ղազախստանի իրավասու մարմինները մանրակրկիտ հետաքննություն կանցկացնեն՝ պարզելու կատարվածի բոլոր հանգամանքներն ու պատճառները»։
Բացի այդ, կողմերը հարցի շուրջ խորհրդակցություններ են անցկացրել փոխարտգործնախարարների մակարդակով։
Ըստ Ղրղըզստանի ՆԳՆ-ի՝ անկարգություններին առնչություն ունենալու կասկածանքով Ղազախստանում ձերբակալված Ղրղըզստանի քաղաքացի Ռուզախունովը հաճախ է շրջագայել Ալմաթիում։ Ամանորին նա հրավիրվել է այս քաղաք՝ «համերգային ծրագրեր անցկացնելու համար»։ Ալմաթիի տոմսը ձեռք է բերվել 2021 թվականի դեկտեմբերի 16-ին, իսկ հունվարի 2-ին նա թռել է հարեւան հանրապետություն։ Ներքին գործերի նախարարությունն արդեն պարզել է, որ Բիշքեկի օդանավակայանից Ռուզախունովային ճանապարհել է մայրը։ Երաժիշտը Ղազախստանում բարեկամներ չունի եւ հարեւան հանրապետություն է մեկնել «միայն համերգային ծրագրեր անցկացնելու, ինչպես նաեւ երաժշտական փառատոներին մասնակցելու հրավերով»։
Ռուզախունովը ջազային երաժշտության կատարող է, դաշնակահար եւ «Բիշքեկ-ջազ-գարուն» ամենամյա միջազգային երաժշտական փառատոնի կազմակերպիչներից մեկը։ Ղազախական որոշ լրատվամիջոցներ հրապարակել են կիրակի օրը Ալմաթիում տեղի ունեցած անկարգություններին իր մասնակցության մասին Ռուզախունովի խոստովանության կադրերը։ Տեսանյութում երաժշտի դեմքին հարվածների հետքեր են երեւում։ Նրա կալանավորումը բացասական արձագանք է առաջացրել Ղրղըզստանի սոցիալական ցանցերում, օգտատերերը պահանջում են դադարեցնել ղազախստանցիների համար մարդասիրական օգնության հավաքագրումը եւ վերադարձնել խաղաղապահներին։ Բիշքեկում Ղազախստանի դեսպանատան մոտ երաժշտին ազատ արձակելու պահանջով ցույց է տեղի ունեցել։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը