Գերմանիայում «Կանաչները» կողմ են, որ Շտայնմայերը երկրորդ ժամկետով նախագահ վերընտրվի
Գերմանիայի «Կանաչների» կուսակցությունը երեքշաբթի կողմ է արտահայտվել, որպեսզի երկրորդ ժամկետով երկրի նախագահ վերընտրվի Ֆրանկ-Վալտեր Շտայնմայերը, տեղեկացնում է Associated Press-ը։
Դրանով իսկ պետության ղեկավարն ստացել է այդ պաշտոնին եւս հինգ տարի գտնվելու բոլոր շանսերը։
«Կանաչները» կանցլեր Օլաֆ Շոլցի նոր կառավարությունում Շտայնմայերին պաշտպանող երեք կուսակցություններից վերջինը դարձան։ Շտայնմայերը երկար ժամանակ Շոլցի հետ միասին եղել է Սոցիալ-դեմոկրատական կուսակցության անդամ։
Նախագահն ընտրվելու է փետրվարի 13-ին հատուկ ժողովով, որը կազմված կլինի խորհրդարանի ստորին պալատի անդամներից եւ Գերմանիայի 16 երկրամասերի ներկայացուցիչներից։
Շտայնմայերը հայտարարել է, որ մտադիր է առաջադրվել երկրորդ ժամկետի համար անցած տարվա մայիսին, խորհրդարանական ընտրություններից առաջ, որոնք իշխանության բերեցին Շոլցի կոալիցիային, եւ այն ժամանակ, երբ նրա վերընտրման շանսերն այնքան էլ միանշանակ չէին։ Նախագահը, որի 66-ամյակը լրանալու է չորեքշաբթի, հայտարարել է, որ ցանկանում է օգնել հաղթահարել տարաձայնությունները, որոնք սաստկացել են կորոնավիրուսի համավարակից հետո։
Մինչ նախագահ դառնալը Շտայնմայերը երկու անգամ զբաղեցրել է արտաքին գործերի նախարարի պաշտոնը Անգելա Մերկելի կառավարությունում, իսկ ավելի վաղ եղել է կանցլեր Գերհարդ Շրյոդերի աշխատակազմի ղեկավարը։
Գերմանիայի նախագահը աննշան գործադիր իշխանություն ունի, բայց համարվում է կարեւոր բարոյական հեղինակություն։ 2017թ. խորհրդարանական ընտրությունների անմխիթար արդյունքներից հետո Շտայնմայերն օգնել է քաղաքական գործիչներին ձեւավորել նոր կոալիցիոն կառավարություն նոր քվեարկության փոխարեն։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը