ՌԴ-ի, ՉԺՀ-ն, Մեծ Բրիտանիան, ԱՄՆ-ը եւ Ֆրանսիան հայտարարել են միջուկային պատերազմ թույլ չտալու անհրաժեշտության մասին
Չինաստանի Ժողովրդական Հանրապետությունը, Ռուսաստանի Դաշնությունը, Մեծ Բրիտանիայի եւ Հյուսիսային Իռլանդիայի Միացյալ Թագավորությունը, Ամերիկայի Միացյալ Նահանգները եւ Ֆրանսիայի Հանրապետությունն իրենց առաջնային պարտականությունն են համարում միջուկային զենք ունեցող պետությունների միջեւ պատերազմ թույլ չտալը եւ ռազմավարական ռիսկերի նվազեցումը, հաղորդվում է Կրեմլի կայքում։
«Մենք հայտարարում ենք, որ միջուկային պատերազմում հաղթողներ չեն կարող լինել, եւ այն երբեք չպետք է սանձազերծվի։ Քանի որ միջուկային զենքի օգտագործումը հեռուն գնացող հետեւանքներ կունենար, մենք նաեւ հաստատում ենք, որ միջուկային զենքերը, քանի դեռ դրանք գոյություն ունեն, պետք է ծառայեն պաշտպանական նպատակներին, ագրեսիայի զսպմանը եւ պատերազմի կանխմանը: Մենք կարծում ենք, որ նման զենքերի հետագա տարածումը պետք է կանխվի։
Մենք հաստատում ենք միջուկային սպառնալիքներին հակազդելու կարեւորությունը եւ շեշտում ենք միջուկային զենքի չտարածման, զինաթափման եւ սպառազինությունների վերահսկման ոլորտում մեր երկկողմ եւ բազմակողմ համաձայնագրերի ու պարտավորությունների պահպանության եւ պաշտպանության կարեւորությունը։ Մենք հավատարիմ ենք մնում Միջուկային զենքի չտարածման մասին պայմանագրով (NPT) մեր պարտավորություններին, ներառյալ՝ VI-րդ հոդվածի համաձայն «մոտ ապագայում միջուկային սպառազինությունների մրցավազքին եւ միջուկային զինաթափմանը վերջ տալու համար, ինչպես նաեւ ընդհանուր եւ ամբողջական զինաթափումը խիստ եւ արդյունավետ միջազգային վերահսկողության ներքո պայմանագրի շուրջ բարի կամքի ոգով բանակցություններ վարելու» մեր պարտավորությանը։
Մեզանից յուրաքանչյուրը մտադիր է պահպանել եւ էլ ավելի ամրապնդել մեր ազգային միջոցառումները՝ կանխելու միջուկային զենքի չարտոնված կամ ոչ միտումնավոր օգտագործումը։ Մենք կրկնում ենք մեր նախկին ոչ թիրախային հայտարարությունների արդիականությունը եւ վերահաստատում ենք, որ մեր միջուկային զենքերն ուղղված չեն միմյանց կամ որեւէ այլ պետության դեմ:
Մենք ընդգծում ենք մեր ձգտումը՝ բոլոր երկրների հետ աշխատանքով անվտանգության միջավայր ստեղծելու նպատակով, որն ավելի նպաստավոր է զինաթափման հարցում առաջընթացի համար՝ միջուկային զենքից զերծ աշխարհ կառուցելու վերջնական նպատակով՝ առանց որեւէ մեկի անվտանգությունը խախտելու: Մենք մտադիր ենք շարունակել երկկողմ եւ բազմակողմ դիվանագիտական մոտեցումներ փնտրել՝ ռազմական առճակատումից խուսափելու, կայունությունն ու կանխատեսելիությունը բարձրացնելու, փոխըմբռնումն ու վստահությունը բարձրացնելու եւ սպառազինությունների մրցավազքը կանխելու համար, որը ոչ ոքի օգուտ չի բերում եւ սպառնալիք է դառնում բոլորի համար։ Մենք վճռական ենք վարել կառուցողական երկխոսություն՝ հիմնված փոխադարձ հարգանքի եւ անվտանգության ոլորտում միմյանց շահերի ու մտահոգությունների ճանաչման վրա»,- ասված է հայտարարության մեջ։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը