Լոնդոնի դատարանն ԱՄԷ վարչապետին պարտավորեցրել է ռեկորդային 730 մլն դոլար վճարել փախած կնոջը
Լոնդոնի Գերագույն դատարանն Արաբական Միացյալ Էմիրությունների վարչապետին եւ Դուբայի էմիր շեյխ Մուհամեդ բեն Ռաշիդ Ալ Մաքթումին պարտավորեցրել է 550 միլիոն ֆունտ (730 միլիոն դոլար) վճարել իր փախած կնոջը՝ արքայադուստր Հայային, եւ նրանց երկու անչափահաս երեխաներին աջակցելու համար։ Ինչպես պարզաբանում է PA գործակալությունը, որը մեջբերվում է երեքշաբթի օրը տարածված դատավճռից, խոսքն անգլիական դատարանի կողմից երբեւէ սահմանված ընտանեկան գործով ամենամեծ փոխհատուցման մասին է, փոխանցում է ՏԱՍՍ-ը։
Հստակեցվում է, որ ներկայիս որոշումը գերազանցում է մինչ օրս 453 միլիոն ֆունտ (645.5 միլիոն դոլար) ռեկորդային վճարումը, որը բրիտանական դատարանը 2018 թվականին պարտավորեցրել էր ռուս գործարար Ֆարհադ Ահմեդովին փոխանցել նախկին կնոջը՝ Տատյանա Ահմեդովային ամուսնալուծության գործընթացի շրջանակներում:
Հաղորդվում է, որ Դուբայի 72-ամյա էմիրը, ով նաեւ զբաղեցնում է փոխնախագահի եւ պաշտպանության նախարարի պաշտոնները, մասնավորապես 251.5 միլիոն ֆունտ (330 միլիոն դոլար) կփոխանցի իր վեցերորդ կնոջը, ինչպես նաեւ բանկային երաշխիք կներկայացնի 290 միլիոն ֆունտ (385 միլիոն դոլար) չափով` երեխաներին աջակցելու եւ ապագայում նրանց անվտանգությունն ապահովելու համար: Լոնդոնի դատարանի որոշմամբ` Դուբայի կառավարիչը պետք է տարեկան 11 միլիոն ֆունտ (15 միլիոն դոլար) վճարի արքայադուստր Հայային եւ երկու երեխաներին մինչեւ չափահաս դառնալը։
Երեխաները կկարողանան օգտվել նաեւ 3 միլիոն ֆունտ ստերլինգ արժողությամբ կրթական հիմնադրամի միջոցներից: Երբ 14-ամյա դուստր Ջալիլան եւ 9-ամյա որդին՝ Զայեդն ավարտեն համալսարանը, նրանք տարեկան 5.5 միլիոն ֆունտ ստեռլինգ (7.3 միլիոն դոլար) կստանան` իրենց անվտանգության ապահովման համար։ Նույնքան գումար կհատկացվի 47-ամյա արքայադուստր Հայային։
Երեխաների աջակցության ծախսերի շրջանակներում դատարանը նաեւ 5.1 միլիոն ֆունտ է հատկացրել նրանց արձակուրդի համար` տարեկան 450 հազար ֆունտ (600 հազար դոլար) ծառայողների վարձատրության համար եւ մոտ 275 հազար ֆունտ (365 հազար դոլար)` ընտանի կենդանիներ պահելու համար:
2019 թվականի հուլիսին լոնդոնյան The Sun թերթը հայտնել էր, որ ԱՄԷ վարչապետի կինը որդու եւ դստեր հետ փախել է նրանից՝ իր հետ մոտ 40 միլիոն դոլար տանելով։ Ըստ թերթի` նա փետրվարին ենթադրաբար գնացել է Գերմանիա։ Ինչպես նշում է թերթը, այս իրավիճակը դիվանագիտական ճգնաժամի է հանգեցրել Գերմանիայի եւ ԱՄԷ-ի միջեւ, քանի որ Մուհամմեդ բեն Ռաշիդ Ալ Մաքթումը, իբր, խնդրել է Գերմանիայի իշխանություններին վերադարձնել կնոջը հայրենիք, սակայն Բեռլինը հրաժարվել է դա անել։
Ավելի ուշ հաղորդվեց, որ արքայադուստր Հայան, ով հանգուցյալ թագավոր Հուսեյն բեն Թալալի դուստրն է եւ Հորդանանի ներկայիս կառավարիչ Աբդուլլահ II խորթ քույրը, ապրում է Լոնդոնում՝ 85 միլիոն ֆունտ արժողությամբ սեփական առանձնատանը։
Լոնդոնի դատարանում արքայադուստրը խնդրել է դատարանին պաշտպանել իր դստերը մոտալուտ հարկադիր ամուսնությունից, ինչպես նաեւ հատուկ պաշտպանության հրամաններ տալ՝ իր եւ իր երեխաների կյանքի եւ առողջության պաշտպանության համար:
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը