Գաբրիել Բորիչը դարձել է Չիլիի ամենաերիտասարդ նախագահը
Ընտրությունների երկրորդ փուլի արդյունքներով՝ Չիլիի նոր նախագահ է դարձել ձախական թեկնածու Գաբրիել Բորիչը՝ առանց քաղաքական մեծ փորձի եւ կշռի 35-ամյա ուսանողական առաջնորդ եւ պատգամավոր, գրում է «ՌԻԱ Նովոստի»-ն։
Վերջին տվյալներով՝ քվեաթերթիկների 99.66 տոկոսի մշակումից հետո Բորիչը հաղթում է նախագահական ընտրությունների երկրորդ փուլում: Նրա մրցակից Խոսե Անտոնիո Կաստն արդեն ընդունել է իր պարտությունը։
Բորիչը ծնվել է 1986 թվականին Չիլիի հարավում՝ երկիր գաղթած խորվաթների ընտանիքում: Վաղ տարիքից նա ձգտել էր առաջնորդ լինել. երբ 9 տարեկան էր, տարրական դպրոցում կուրսի նախագահ ընտրվեց եւ կոչ գրեց իր դասընկերներին, որտեղ խոստացավ «լավ նախագահ» լինել։
«Միգուցե ես ձեզ շոկոլադներ չնվիրեմ… Միգուցե չլինեմ Բիլ Քլինթոնի պես, բայց վստահ եմ, որ կուրսի լավ նախագահ կլինեմ, կփորձեմ մեր կուրսն ավելի կազմակերպված եւ մաքուր դարձնել»,- գրել էր այդ ժամանակ Բորիչը։
Արդեն 1999 թվականին` 13 տարեկանում, նա իր ծննդավայր Պունտա Արենասում միջնակարգ դպրոցի աշակերտների ֆեդերացիա ստեղծեց, իսկ 18 տարեկանում մեկնեց Սանտյագո՝ Չիլիի համալսարանում իրավունք սովորելու, որտեղ ընտրվեց համապատասխան ֆակուլտետի ուսանողական կենտրոնի ղեկավար։
2011 թվականին նա դարձավ ողջ համալսարանի ուսանողական ֆեդերացիայի ղեկավարը եւ ղեկավարեց ուսանողների զանգվածային բողոքի ցույցերն անվճար կրթության համար։ Մի քանի տարի անց նա հաղթեց խորհրդարանական ընտրություններում ու դարձավ պատգամավոր։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը