Բրիտանական արտերում ռոբոտներն արդեն վարուցանք են անում
Մեծ Բրիտանիայի մշակողներն ու ռոբոտեխնիկները կարողացել են մեկ հեկտար հողատարածք ցանել ու դրանից գարու բերք հավաքել՝ բացառապես ռոբոտների աշխատանքի միջոցով։
«Օկո պլանետի»պարբերականը հայտնում է, որ այդ գործընթացի իրականացման ամբողջ ընթացքում դրա փուլերից ոչ մեկին ոչ մի մարդ չի մասնակցել ։ Մասնագետները հետեւել են ռոբոտներին հեռավորությունից։
Hands-Free Hectare կամ «Հեկտար առանց ձեռքերի» նախագիծը իրականացվում է 2016-ի հոկտեմբերից Շրոպշիր կոմսության ֆերմաներից մեկում։ Նախագիծն իրականացնում են Հարփեր Ադամսի համալսարանի գիտնականները։ Նախագծի միջոցով մասնագետները մտադիր են ապացուցել, որ գյուղատնտեսական մթերքների աճեցումը հնարավոր է ամբողջությամբ ավտոմատիզացված մեթոդներով։
200 հազար ֆունտի չափով դրամաշնորհի գործածմամբ մշակողները սարքավորել են տրակտոր ու կոմբայն ՝ տեսախցիկներով, լազերային սարքերով ու GPS հաղորդիչներով։ Այդ ինքնակառավարվող սարքերի օգնությամբ իրականացվել է դաշտային աշխատանքների ամբողջ ցիկլը՝ ցանքից, ոռոգումից, պարարտացումից սկսած մինչեւ բերքահավաք։ Հատուկ ռոբոտներ են օգտագործվել փորձաքննության համար հողի նմուշներ վերցնելու համար, իսկ կուլտուրաների աճին վերեւից հետեւել են գիտնականները դրոնների օգնությամբ։
Գիտնականները խոստովանում են, որ նման գոյւղատնտեսական աշխատանքներն ավելի թանկ են, քան ավանդական միջոցներով հողագործությունը։ Այդուհանդերձ, նրանց կարծիքով ապագան ռոբոտիզացված հողագործությանն է պատկանում, քանի որ ներկայումս գործածվող տեխնիկան իր չափսերի պատճառով վնասում է հողին ու բերքին։
Նախագծի իրականացման ընթացքում մշակողները բազմաթիվ դժվարությունների են բախվել։ Նախեւառաջ, ցանքի ժամանակ տրակտորն անընդհատ շեղվում էր անհրաժեշտ հետագծից, ինչի հետեւանքով ցանքերը շեղ էին ստացվում ։ Նաեւ ցանքից հետո մասնագետներին չի հաջողվել բավականաչափ արագ վերասարքավորել տրակտորը՝ հողը պարարտացնելու համար։
Միայն այն, որ ես 73 տարեկան եմ, չի նշանակում, որ ես պետք է դադարեմ սեքսով զբաղվել
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Անցած տարվա ընթացքում Հեռուստատեսության և ռադիոյի հանձնաժողովը հարուցել է 84 վարչական վարույթ
Մեր հայրենակիցների սոցիալական աջակցության ծրագրերը շարունակվում և ընդլայնվում են
Թուրքիայում արագացրել են Հայաստանի հետ սահմանային անցակետի բացման աշխատանքները