«Օրակարգի առաջին հարցը՝ որպես քննարկման առարկա, պետք է այսօր լուծվի». Արթուր Ղազինյանը՝ իր ընտրության մասին
ԱԺ Պաշտպանության և անվտանգության հարցերի մշտական հանձնաժողովը 8-րդ անգամ քննարկեց հանձնաժողովի նախագահի տեղակալի ընտրության հարցը, 8-րդ անգամ «Հաայստան» խմբակցության առաջադրած թեկնածուն պատգամավոր Արթուր Ղազինյանն էր։
Դիմելով հանձնաժողովի նախագահ Անդրանիկ Քոչարյանին՝ Արթուր Ղազինյանը նախ նիստը վարողից պահանջեց, որպեսզի հանձնաժողովի անդամների նկատմամբ ձայնի տեմբրը կարգավորի, որովհետև հարգալից վերաբերմունք պետք է ցուցաբերվի պատգամավորի նկատմամբ։
«Իմ ներկայությունն այս նիստին պայմանավորված է մեկ հանգամանքով, որ նիստի օրակարգում ներառված են ըստ էության երկու բովանդակային ու աշխատանքային քննարկում ենթադրող հարցեր, հետևաբար՝ օրակարգի առաջին հարցը, ինչպես արդեն նշել եմ, որպես քննարկման առարկա՝ պետք է այսօր լուծվի»,- նշեց Արթուր Ղազինյանը։
Անդրադառնալով հանձնաժողովի արտահերթ նիստ գումարելու՝ ընդդիմության պահանջին, Արթուր Ղազինյանն ասաց, որ իշխանությունն օրակարգի հետ համաձա՞յն է, թե՞ ոչ, նիստը պետք է գումարվեր։
«Այդ նիստը պետք է հրավիրվեր, դա կանոնակարգի պահանջն էր։ Եթե դուք գտնում եք, որ լիագումար նիստերին ներկայանում են այդ պաշտոնատար անձինք, և մենք ունենք հնարավորություն մեր հարցերը նրանց ուղղելու, ապա այդ դեպքում եկեք փոխենք ու վերացնենք այդ կանոնակարգերը՝ մեկ քառորդով նիստ հրավիրելու։ Բոլոր հարցերը կուղղենք արդեն լիագումար նիստին, էլ ինչի՞ է պետք հանձնաժողովի նիստը, խորհրդարանական վերահսկողությունը։ Գուցե՞ կարիք չկա հրավիրել Գլխավոր դատախազին, նաև Գլխավոր շտաբի պետին, որը նույնպես չի ներկայանում լիագումար նիստերին։ Կառավարության հետ հարցուպատասխանը երբեք չի կարող փոխարինել հանձնաժողովում բովանդակային ու խորքային քննարկումներին։ Սա արդեն երկրորդ դեպքն է, երբ պահանջում ենք արտահերթ նիստ հրավիրել մեկ քառորդով, սակայն նիստը չի կայանում, որը չկայանալու պատճառ չպետք է ունենար»,- հավելեց պատգամավորը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան