Դա ֆանտաստիկ է. արքայազն Հարին մեկնաբանել է Քեմբրիջի դքսուհու հղիության լուրը

Մեծ Բրիտանիայի թագավորական ընտանիքի անդամ արքայազն Հարին մեկնաբանել է Քեմբրիջի դքսուհի Քեյթ Միդլթոնի՝ երեկ միջազգային լրատվամիջոցների կողմից կայծակնային արագությամբ տարածված հղիության լուրը:

Ինչպես նշում է The Daily Mail-ը, Մանչեսթերում լրագրողներին հանդիպած Հարին խոստովանել է, որ 3-րդ անգամ հորեղբայր դառնալու լուրն ուղղակի ֆանտաստիկ է: Երեսուներկուամյա արքայազնի խոսքով՝ ինքը շատ-շատ ուրախ է եղբոր՝ արքայազն Ուիլյամի և հարսի համար:

Լրագրողներից մեկի հարցին, թե ինչպես է այժմ իրեն զգում դքսուհին, Հարին պատասխանել է. «Վերջերս նրան չեմ տեսել, բայց կարծում եմ, որ նրա մոտ ամեն ինչ կարգին է»:

Աղբյուրը հավելում է, որ 3-րդ երեխայի ծնվելուց հետո արքայազն Հարին մեկ քայլով ավելի կհեռանա բրիտանական գահը ժառանգելու հնարավորությունից:

Նշենք, որ արքայազն Ուիլյամն ու Քեյթ Միդլթոնն ամուսնացել են 2011թ.: Նրանք ունեն 2 երեխա՝ 4-ամյա արքայազն Ջորջն ու 2-ամյա արքայադուստր Շառլոթը, որոնք բրիտանական գահի ժառանգների թվում 3-րդն ու 4-րդն են: