Փարիզի արվարձաններում հասարակական այգում նուդիստների գոտի կհայտնվի

Փարիզի արվարձաններում հասարակական այգում փորձնական գոտի է բացվել նուդիստների համար: Մերկ հանգստի սիրահարների համար հատկացված տեղամասի չափը համադրելի է ֆուտբոլի դաշտին: Այն մինչեւ հոկտեմբերի 15-ը կբացվի Վենսենյան անտառում, փոխանցում է BBC-ն:

Իշխանությունները զգուշացրել են, որ այնտեղ անպարկեշտ վարքագծի դրսեւորում չեն հանդուրժի: Մուտքի մոտ վարքագծի կանոններ են փակցվելու:

«Մենք սա իրականացնում ենք Փարիզի հասարակական տարածքների օգտագործման նկատմամբ մեր ոչ կանխակալ մոտեցման շրջանակում»,- ասել է փոխքաղաքապետ Պենելոպ Կոմիտեսը, որի իրավասության ներքո են Ֆրանսիայի մայրաքաղաքի այգիները:

Նուդիստների համար նախատեսված հատուկ գոտու մասին, որը գտնվում է թռչունների արգելոցի կողքին, զբոսաշրջիկներին կզգուշացնեն հատուկ վահանակները եւ նշանները: Նուդիստները կարող են այնտեղ գտնվել առավոտյան 8-ից մինչեւ երեկոյան 7:30:

Նախաձեռնության ներդրման օգտին հաճախ նշվում էր, որ երկրում նուդիստների համար մեծ թվով լողափեր ու տուրիստական բազաներ կան, եւ Փարիզը եւս պետք է գրավի մերկ հանգստի սիրահարներին:

 NEWS.am