Բրիտանիայի վարչապետը ժամանել է Ճապոնիա

Բրիտանիայի վարչապետ Թերեզա Մեյը այսօր ժամանել է Ճապոնիա, բանակցելու իր պաշտոնակից Շինզո Աբեի հետ: Եռօրյա այցի ընթացքում քննարկվելու են երկու երկրների միջև համագործակցությունն ու առևտուրն ընդլայնելու հեռանկարները:

Վարչապետի պաշտոնում Թերեզա Մեյի առաջին այցը Ճապոնիա կատարվում է բարդ ժամանակահատվածում, երբ Տոկիոյի ուշադրության կենտրոնում Հյուսիսային Կորեայի սպառնալիքներ են: Մյուս կողմից Եվրամիությունից Բրիտանիայի դուրս գալու բանակցություններն են, որը խստորեն քննադատվեցին Եվրամիության պաշտոնյաների կողմից:

Ճանապարհին Բրիտանիայի վարչապետը իրեն ուղեկցող լրագրողներին ասել է, որ Բրիտանիան դիտարկում է առևտրի զարգացման ճանապարհները, երբ 2019-ի մարտից արդեն դուրս կգան Եվրամիությունից:

Վարչապետին ուղեկցում են բրիտանական 15 խոշոր ընկերությունների ներկայացուցիչներ:

Այսօր Ճապոնիայի հին մայրաքաղաք Կիոտոյում Թերեզա Մեյին ընդունել է Ճապոնիայի վարչապետը՝ նրան հրավիրելով թեյ խմելու ազգայաին ավանդույթի արարողությանը:

Վաղը Մեյը մեկնելու է մայրաքաղաք Տոկիո, որտեղ անցկացվելու է երկու վարչապետերի պաշտոնական բանակցությունները:

Այս թեմայով Մեծ Բրիտանիայի վարչապետի ելույթը խորհրդարանում բարձր ծիծաղով են ընդունել Հայտնի է դարձել Մեծ Բրիտանիայի նոր արտգործնախարարի անունը Մեծ Բրիտանիան չի պատրաստվում դուրս գալ Իրանի միջուկային համաձայնագրից. Ջոնսոն Թրամփը հավաստիացրել է Թերեզա Մեյին, որ Իրանը երբեք միջուկային զենք չի ստանա Գերմանիան, Մեծ Բրիտանիան եւ Ֆրանսիան չեն բացառում Իրանի միջուկային համաձայնագրի ընդլայնման անհրաժեշտությունը