Ուրալում ադրբեջանցիները ծեծկռտուք են կազմակերպել հարսանիքի ժամանակ, որն ավարտվել է կրակոցներով

Ուրալում՝ Էներգետիկների ավանում, ադրբեջանցիները ծեծռտուք են կազմակերպել հարսանիքի ժամանակ, որն ավարտվել է կրակոցներով, հայտնում է minval.az-ը:

Հաղորդվում է, որ բնակիչներին նախ թվացել է, թե հրավառություն է, այնուհետ նրանք հասկացել են, որ կրակոցներ են հնչում:

«Երկու «Պորշ-Կայեն» ավտոմեքենաներով մարդիկ ինչ-որ բանի շուրջ վիճել էին, մի մեքենան արդեն սկսել էր հեռանալ, երբ երկրորդը սկսեց նրանց ուղղությամբ կրակել»,- պատմել է ականատեսներից մեկը:

Սոցցանցերում տեղի բնակիչ Շահին Ռուստամովը հայտնել է, որ հարսանիքին մասնակցել են Ադրբեջանի բնակիչներ, որոնք որոշել են փոքր-ինչ հեռանալ մշակույթի տնից և հարցերը մարդկանցից հեռու պարզել:

Հաղորդվում է, որ բուժօգնություն է ստացել հինգ երիտասարդ, որոնք հարսանիքից հիվանդանոց են տեղափոխվել կապտուկներով և վնասվածքներով: Դեպքի վայրից առգրավվել է գազային ատրճանակ:

tert.am