Ոստիկանները որոշեցին սպանել պատանդ վերցրած երիտասարդին

Երեւանի Էրեբունի թաղամասում՝ Ռոստովյան փողոցում արտակարգ դեպք է տեղի ունեցել:

Անհայտ անձը բիլիարդանոցում երիտասարդ՝ 23-ամյա աղջկա է պատանդ վերցրել:

Ականատեսները պատմել են, որ հարձակվող տղամարդը դանակը պահել է կնոջ պարանոցին եւ սպառնացել, որ կսպանի նրան:

Մինչ ոստիկանների ժամանելը, բիլիարդ բարի ներսում վիճաբանություն է եղել, ու այդ ընթացքում հարձակվող տղամարդը տեւական ժամանակ ներսում եղած իրերը դուրս շպրտել՝ կոտրելով բարի ապակիները:

Դեպքի վայր ժամանած իրավապահները տղամարդու հետ զրույցի են բռնվել, ու այդ ընթացքում, ըստ ականատեսների, դիպուկահարը գլխից վիրավորել է նրան: Վերջինս տեղում մահացել է:

Մնում է հարցնել, թե արդյոք հնարավոր չէր իրավիճակը հանգուցալուծել առանց ծայրահեղ միջոցի եւ չսպանել երիտասարդ տղամարդուն:

Ի դեպ, որոշ տեղեկությունների համաձայն, պատանդ վերցրածը վերջերս էր արտաքսվել ԱՄՆ-ից:

Ավելացնենք նաեւ, որ երկար ժամանակ Ռոստովյան փողոցը Ազատամարտիկների եւ Աթոյանի խաչմերուկներից փակ է եղել:

Top-News.am