Մորատա․ Այո, ես տեղափոխվում եմ «Միլան»
![](/timthumb.php?src=/disc/17-07-24/c51ff42566e88769cba768886bfcc38a.jpg&w=708)
Եվրոպայի նորընծա չեմպիոն Իսպանիայի հավաքականի 31-ամյա հարձակվող Ալվարո Մորատան հաստատել է, որ Մադրիդի «Աթլետիկոյից» տեղափոխվում է Իտալիայի փոխչեմպիոն «Միլան»։
«Եթե խոսենք իմ տեղափոխության մասին, ապա ես դեռ պետք է բուժզննում անցնեմ, բայց այո, ես տեղափոխվում եմ «Միլան»»,- Մորատայի խոսքը մեջբերում է AS-ը։
Ավելի վաղ հայտնի էր դարձել, որ «Միլանը» Մադրիդի «Աթլետիկոյին» կվճարի Մորատայի հրաժարագինը՝ 13 միլիոն եվրո։
Անցած մրցաշրջանում Մորատան «Աթլետիկոյի» հետ մասնակցել է 48 հանդիպման, խփել է 21 գոլ, կատարել 5 գոլային փոխանցում։
Transfermarkt-ը Մորատայի տրանսֆերային արժեքը գնահատում է 16 միլիոն եվրո։