Ryanair ընկերությանը նկատողություն են արել

Մեծ Բրիտանիայի գովազդի ստանդարտների վարչությունը ածխաթթու գազի արտանետումների մակարդակի մասին «մոլորեցնող» հայտարարության համար նկատողություն է արել Ryanair ընկերությանը, գրում է Bloomberg-ը։

Բրիտանական գերատեսչությունը կարծում է, որ ընկերությունը պետք է իր գովազդից բացառի այն պնդումները, թե ինքը «արտանետումների ամենացածր մակարդակ ունեցող» ավիաընկերությունն է։

Թերթը նշումէ, որ կլիմայական ճգնաժամի խնդրի սրումը հաշվի առնելով՝ Ryanair-ը, ամենայն հավանականությամբ, միակ խոշոր ընկերությունը չէ, որին «կանաչ» թեմայով նախազգուշացումներ կարվեն։

«Կլիմայի հետ կապված որոշ մերկացումների հսկայական բազմազանությունը եւ ակնհայտ բարդությունը բիզնեսին դրդում են կենտրոնանալ կեղծավորների վրա եւ անտեսել մյուսներին։ Պետք է արժանին մատուցել Ryanair-ին՝ նրա հայտարարությունները հիմնված են փաստերի վրա»,- նշում է Bloomberg-ը։

Սակայն այս ավիաընկերությունը եւ մյուսները ուժեղ աղտոտողներ են, ինչ էլ որ ասեն, ընդգծում է թերթը։