Մոդելն առաջին անգամ առանց ֆոտոշոփի լուսանկարներ է հրապարակել և զարմացել քննադատությունից

Մոդելը առաջին անգամ առանց ֆոտոշոփի լուսանկարներ է հրապարակել Instagram-ի իր էջում և զարմացել քննադատությունից, գրում է lenta.ru-ն:

22-ամյա Արիելա Նիսան չմշակված լուսանկարներ է տեղադրել իր էջում, որտեղ տեսանելի է նրա ազդրերի ցելյուլիտը: Դրանից հետո նա դժգոհել է իր կազմվածքի մասին անընդհատ ստացվող սադրիչ և բացասական հաղորդագրություններից:

Նա նաև նշել է, որ որոշ ընկերություններ չեղյալ են հայտարարել իր հետ պլանավորված նկարահանումները` այն պատճառով, որ նրա մաշկը բավականաչափ հարթ չէ:

22-ամյա Նիսայի հետևորդները աջակցել են նրան և նշել, որ այդպիսով մոդելը ոգեշնչում է նրանց ընդունել իրենց թերությունները: «Շնորհակալ եմ իրական լուսանկարների համար»: «Շնորհակալ եմ ձեզ, ես սովորեցի սիրել իմ ցելյուլիտը: Եվ դուք գեղեցիկ եք, ինչպես միշտ»- գրել են նրանք մեկնաբանություններում: Այժմ մոդելն ավելի քան 350 հազար հետևորդ ունի Instagram-ի իր էջում: