Ռիհանան բաժանվել է սաուդցի միլիարդատիրոջից. Հայտնի փոփ-աստղը կրկին ազատ է

31-ամյա երգչուհի Ռիհանան և սաուդցի միլիարդատեր Հասան Ջամիլն այլևս միասին չեն, գրում է Daily mail-ը: Իրենց հարաբերությունների մասին մամուլը գրում էր գրեթե 3 տարի, իսկ վերջին ժամանակներս հաճախակի էին հայտնվում երգչուհու՝ ամուսնանալու և երեխա ունենալու մտադրության մասին տեղեկություններ:

Սակայն, զույգի բաժանման մասին լուրն առաջ անցավ այլ հնարավոր տեղեկություններից:

 Փոփ-աստղ, հաջողակ բիզնեսվումեն Ռիհանայի և սաուդցի օլիգարխի սիրավեպի մասին խոսվում էր դեռ 2017-ից: Հասանը Abdul Latif Jameel ընկերության փոխնախագահն է: Այս ընկերությունն ունի Սաուդյան Արաբիայում և մերձավորարևելյան այլ երկրներում Toyota մակնիշի ավտոմեքենաներ վաճառելու իրավունք, սակայն սա խոշոր բիզնեսի միայն մեկ ուղղությունն է: Հասանը համարվում էր 2,2 միլիարդ դոլարի ժառանգորդ: Նրա ընտանիքն ամենահարուստ արաբ ընտանիքների ցանկում 12-րդն է :

 Ավելի վաղ մամուլը գրել էր, որ Հասանը 2012-ին ամուսնացել է թունիսցի մշակութաբան Լինա Լազաարի հետ, իսկ 2017-ին(հստակ հայտնի չէ) իրենք բաժանվել են: Մինչ Ռիհանայի հետ սիրավեպը, Հասան Ջամիլը հանդիպում էր սուպերմոդել Նաոմի Քեմպբելի հետ: