Մադամ Տյուսոյի թանգարանը հեռացրել է արքայազն Հարիի և Մեգան Մարքլի արձանները թագավորական ընտանիքի հավաքածուից

Մադամ Տյուսոյի լոնդոնյան թանգարանն արքայազն Հարիի և Մեգան Մարքլի մոմե արձանները հանել է թագավորական ընտանիքին նվիրված ցուցադրության բաժնից: Այս մասին հայտնում է ТАСС գործակալությունը՝ վկայակոչելով թանգարանի մամլո ծառայությունը:

Նման որոշման համար պատճառ է հանդիսացել Սասեքսի դքսի և դքսուհու հայտարարությունը թագավորական ընտանիքի ավագ անդամների լիազորությունները վայր դնելու, թագավորական պալատից ֆինանսապես անկախ դառնալու և ժամանակն ԱՄՆ-ում ու Մեծ Բրիտանիայում հավասարապես անցկացնելու մտադրության մասին:

«Ողջ աշխարհի հետ միասին մենք արձագանքում ենք զարմանք առաջացրած լուրերին այն մասին, որ Սասեքսի դուքսն ու դքսուհին վայր կդնեն թագավորական ընտանիքի ավագ անդամների լիազորությունները: Այսօրվանից Մեգանի և Հարիի արձաններն այլևս չեն հայտնվի թագավորական ընտանիքի մեր հավաքածուում: Լինելով սիրված և ճանաչված արձանիկներից երկուսը՝ դրանք, իհարկե, կմնան թանգարանի կարևոր ցուցանմուշների շարքում»,- ասվում է թանգարանի հաղորդագրության մեջ:

Հիշեցնենք, որ լիազորություններից հրաժարվելու մտադրության մասին ամուսինները հայտնել են այսօր ավելի վաղ, որին արդեն հուսահատորեն արձագանքել են Էլիզաբեթ Երկրորդ թագուհին և ուրիշներ:

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից