Ջեֆ Բեզոսը դեռեւս աշխարհի ամենահարուստ մարդն է

Ջեֆ Բեզոսը դեռեւս աշխարհի ամենահարուստ մարդն է՝ չնայած մեկ տարվա ընթացքում 10 միլիարդ դոլարի չափով կորստին:

Amazon-ի հիմնադիրը պահպանել է 2019 թվականի Bloomberg Billionaire-ի վերջին ինդեքսում առաջին տեղը՝ ունենալով 115 միլիարդ դոլար կարողություն: Նրան հաջորդում է Microsoft-ի հիմնադիր Բիլ Գեյթսը, որի կարողությունը կազմում է 113 միլիարդ դոլար:

Բեզոսը, Գեյթն ու ֆրանսիացի բիզնես մագնատ Բերնար Առնոն միակ մուլտիմիլիարդատերներն են, ում սեփական կապիտալը գերազանցում է 100 միլիարդ դոլարը:

Ակնկալվում էր, որ Բեզոսը կկորցնի միլիարդատերների ինդեքսում իր տեղն անհանգիստ տարվա պատճառով: Տիկնոջ՝ Մակքենզի Բեզոսի հետ ամուսնալուծվելուց հետո նա պահպանում է Amazon-ի ակցիաների 75 տոկոսը: Իսկ նրա տիկինն ամուսնալուծվելուց հետո զբաղեցնում է աշխարհում ամենահարուստ մարդկանց վարկանշային աղյուսակում 25-րդ տեղը:

Համաշխարհային ամենահարուստ մարդկանց տասնյակում արդեն հայտնվել են Ուորեն Բաֆեթը եւ Մարկ Ցուկերբերգը՝ զբաղեցնելով 4-րդ եւ հինգերորդ հորիզոնականները:

Պահպանողական ձեռնարկատեր Դեւիդ Կոխի այրի Յուլիա Ֆլեշեր Կոխը միակ կինն է այդ աղյուսակում, որի կարողությունը կազմում է 62 միլիարդ դոլար: